މިއުޒިއަމް އޮފް ބޭޑް އާރޓްސް

މިއުޒިއަމެއްގެ ތެރެއަށް ވަދެ ހިނގާލީމަ އާޓިސްޓުންގެ ބުރަ މަސައްކަތް ފެނުނީމަ އަޖައިބުވެ އަންތަރީސްވެއެވެ. އެމެރިކާގެ ޑެޑް އަމް ގައި 1994 ވަނަ އަހަރު ހަދާފައިވާ ''މިއުޒިއަމް އޮފް ބޭޑް އާރޓް'' އަކީ ވެސް ހުނަރުން ފުރިގެންވާ އާޓިސްޓުން ފަރުމާ ކޮށްފައިވާ އެއްޗެހި ދައްކުވައިދޭ މިއުޒިއަމްއެކެވެ.

މިއުޒިއަމްގެ ތީމަކީ '' އާޓް ޓޫ ބޭޑް ޓުބީ އިގްނޯޑް''އެވެ. ހަތްސަތޭކަ އަށް ވުރެ ގިނަ ކުރެހުން މި މިއުޒިއަމް ގައި ހުރެއެވެ. އެންމެ ފާހަގަ ކޮށްލެވޭ ކުރެހުންތަކަކީ، '' ލޫސީ އިންދަ ފީލްޑް ވިތް ފްލާވާރސް''  ކުރެހުމާއި، ''ސަންޑޭ އޮންދަ ޕޮޓް ވިތް ޖިއޯޖް''ގެ އިތުރުން ''ބޯން- ޖަގްލިން ޑޯގް އިން ހޫލާ ސްކާޓް''. މިއިން ކޮންމެ ކުރެހުމަކީ ވެސް ކޮންމެ  ކުރެހުމެއްގައި ވެސް ތަފާތު ވާހަކައެއް ބުނެދޭ ކުރެހުމެކެވެ.  

އެގޮތުން މި މިއުޒިއަމްގައިވާ '' ލޫސީ އިންދަ ފީލްޑް ވިތް ފްލާވާރސް''ގެ ހަގީގަތަށް ބަލާއިރު މި ކުރެހުމަކީ ކުނި އެއްޗެއްގެ ތެރެއިން ނެގި ކުރެހުމެކެވެ.

މި ކުރެހުން ވެގެން ގޮސްފައިވަނީ މުޅި މިއުޒިއަމްގައި ވެސް ފުރަތަމަ ޑިސްޕްލޭ ކުރެވުނު ކުރެހުމަށެވެ.  

 ސޯލްޓް އެންޑް ޕެޕާ މިއުޒިއަމް

ސޯލްޓް އެންޑް ޕެޕާ މިއުޒިއަމްގައި ހިމެނެނީ، ދުނިޔޭގެ އެކި ކަންކޮޅުތަކުގެ މީހުން ބޭނުން ކުރަމުން އަންނަ 20،000 ސޯލްޑް އެންޑް ޕެޕާ ޝޭކާސްއެވެ. ބެލްޖިއަމްގެ އާކިއޮލެޖިސްޓެއް ކަމަށްވާ އަންޑްރިއާ ލުޑެން އެ މިއުޒިއަމް ހުޅުވީ 2002  ވަނަ އަހަރުއެވެ.

އަންޑްރީއާ 1984 އަހަރުން ފެށިގެން އެއްކުރަމުން އައީ، ކާއެއްޗެހި ކާތަކެތި ރަހަ އިތުރަށް ރަނގަޅު ކުރުމަށް އަޅާ ''ސީޒަނިން'' ނުވަތަ ''ސްޕައިސެސް'' އެޅުމަށް ބޭނުން ކުރާ އެކި ޒާތުގެ އާލާތްތަކެވެ.  

ކަޕް ނޫޑްލްސް އެންޑް ރަމެން މިއުޒިއަމް

ދެކުނު އިރުމަތީ އޭޝިއާގެ މީހުންނަކީ އާއްމުކޮށް ނޫޑްލްސް އާއި ތައްޔާރީ ކާނާ ކެއުމަށް މަޝްހޫރު ބައެކެވެ.  ޖަޕާނުގެ ޔޮކޮހަމާގައި ހުންނަ ކަޕް ނޫޑްލްސް މިއުޒިއަމް ގައި ހަތަރު ވައްތަރެއްގެ ނޫޑްލްސްގެ ބާވަތްތައް ދައްކުވައިދޭ މައުރަޒެއް ހިމެނެއެވެ.

އެ މިއުޒިއަމް ގައި ނޫޑްލީސްގެ ތާރީހުގެ އިތުރުން ޖަޕާނުގެ އިންސްޓެންޓް ނޫޑްލްސް އުފެއްދި މޮމޯފުކޯ އަންޑޯ އާއި ބެހޭ ތާރީހީ މައުލޫމާތު ފެންނަ ގޮތަށް ހުރެއެވެ. އެއްވެސް ފީއަކާ ނުލާ ވަދެވޭ އެ މިއުޒިއަމް އަށް ޒިޔާރަތް ކުރާ ފަރާތްތަކަށް އަމިއްލަ އަށް ނޫޑްލްސް ކައްކާ ކާލުމުގެ ފުރުސަތު ލިބެއެވެ.  މިއުޒިއަމްގައި ހަދާފައިވާ ނޫޑްލްސް ފެކްޓްރީގައި އެމީހަކު ބޭނުންގޮތަކަށް ނޫޑްލިސް ކާން ބޭނުން ކުރާ ތަށި  ފަރުމާ ކޮށްދެއެވެ.  

 ކޭންކުން އަންޑަ ވޯޓާރ މިއުޒިއަމް

މިއީ ދުނިޔޭގެ މަޝްހޫރު މިއުޒިއަމް ތަކުގެ ތެރެއިން އެންމެ އާދަޔާ ހިލާފު އެއްމިއުޒަމްއެވެ.  މެކްސިކޯގެ ކަނޑު އަޑީގައި ހަދާފައިވާ ހިތްގައިމު މި މިއުޒިއަމް އަށް ޒިޔާރަތް ކުރެވޭނީ 8 މީޓަރު އަޑިއަށް ފީނައިގެންނެވެ.

ކަނޑު އަޑީގައި ހަދާފައިވާ ދުނިޔޭގެ އެންމެ ބޮޑު މިއުޒިއަމްގައި ދާއިމީ ގޮތަށް ހަދާފައިވާ 500 ''ސްކަލްޕްޗާރ'' ހުރެއެވެ. މީގެ ގިނަ ''ސްކަލްޕްޗާރ'' ހަދާފައިވަނީ މަށިންނެވެ.  

މިއުޒިއަމް އޮފް ބްރޯކެން ރިލޭޝަންޝިޕްސް

މި މިއުޒިއަމް ފެށުނީ ވަރަށް ތަފާތު ގޮތަކަށެވެ. ކްރޮއޭޝިއާގެ ދެ ލޯބިވެރިން ކަމަށްވާ އޮލިންކާއާ ޑްރަޒެން ބްރޭކްއަޕްވުމަށް ފަހު ދެ މީހުން ކުރިން ރައްޓެހިވެގެން އުޅުނު އިރު އެކަކު އަނެކަކަށް ދީ އުޅުނު ހަދިޔާ ބަދިޔާ އެމީހުން ނިންމީ އާއްމުންނަށް ފެންނާނެހެން ޑިސްޕްލޭ ކުރާށެވެ.

ޑިސްޕްލޭ ކުރި ހިސާބުން ދުނިޔޭގެ ސަމާލުކަމަށް އެތަން އައެވެ. ދުނިޔޭގެ އެކި ކަންކޮޅުތަކުން މިގޮތަށް ރައްޓެހިވެ ރުޅިވެފައި ތިބި މީހުން މި މިއުޒިއަމް އަށް އެއްޗެހި ހަދިޔާ ކުރަން ފެށިއެވެ. އެއްޗެހި މިއުޒިއަމް އާ ހަވާލުކުރާއިރު އެ އެއްޗަކާއި ބެހޭ މައުލޫމާތު ގަނޑު ކޮޅެއްގައި ލިޔަން ޖެހޭއެވެ.  

މަތިން އެފެންނަ ކޯރާޑީ އަކީ ޖަރުމަނުވިލާތުގެ އަންހެނަކު އޭނާގެ ލޯބިވެރިޔާ އެހެން އަންހެނަކާއި ގުޅުން އޮންނަ ކަން ފަޅާއެރުމާއެކެ ފިރިހެން މީހާ ދީފައި ހުރި ފަރނީޗަ ސެޓް ފުނޑު ފުނޑު ކޮށްލަން ބޭނުންކުރި ކޯރާޑިއެވެ.  

 މިއުޒިއަމް އޮފް ހިއުމަން ޑިސީސް

މި މިއުޒިއަމް އަކީ އިންސާނުން އޭގެ ސަބަބުން ފުރާނައަށް ނުރައްކާ ކުރާ ބަލިތަކުގައި  މަރުވެ ގޮސްފައިވުމުން އެކަމަށް ހޭލުންތެރި ކުރުވުމުގެ ގޮތުން އެ ބަލިތައް ދައްކުވައިދޭ މިއުޒިއަމްއެކެވެ.