އަންނަ މަހުގެ ހަ ވަނަ ދުވަހު ބާއްވާ ރައްޔިތުންގެ މަޖިލީހުގެ އިންތިހާބަށް އަދާލަތު ޕާޓީގެ ޓިކެޓްގައި ވައިކަރަދޫ ދާއިރާ އަށް ކުރިމަތިލައްވާފައިވާ ހުސެއިން ސަގީފްއާ ބެހޭ ގޮތުން ޔޫތު މިނިސްޓަރު އަހްމަދު މަހުލޫފް ދެއްކެވި ވާހަކަ އަށް އަދާލަތު ޕާޓީން ރައްދު ދީފިއެވެ.
ވައިކަރަދޫ ދާއިރާ އަށް އެމްޑީޕީގެ ޓިކެޓްގައި ވާދަކުރައްވާ ހުސެއިން ޒިޔާދު (ފިއްޓޭ)ގެ ކެމްޕޭނު ޖަލްސާގައި މަހްލޫފް ވިދާޅުވީ، ކުއްލިޔަކަށް މީހަކު އެ ދާއިރާ އަށް ނިކުމެ ތިމަންނައަކީ އަދާލަތު ޕާޓީގެ ކެންޑިޑޭޓެކޭ ބުނުމުން އެކަމަށް ތާއިދު ކުރެވެން ނެތް ކަމަށެވެ.
ސަގީފްގެ ބޭބެ އަލީ އަހްސަނަކީ ކުރީގެ ރައީސް ޔާމީންގެ ކެމްޕޭނުގައި އުޅުނު މީހެއް ކަމަށް މަހުލޫފު ވަނީ ތުހުމަތުކުރައްވާފައެވެ. އަދި އަހްސަނަކީ ރިޔާސީ އިންތިހާބުގައި ޔާމީންގެ ރަނިންމޭޓް ޑރ. މުހައްމަދު ޝަހީމް އަލީ ސައީދުގެ ވަރަށް ގާތް ބޭފުޅެއް ކަމަށް ވެސް މަހްލޫފް ވިދާޅުވެފައި ވެއެވެ. އެހެން ނަމަވެސް ފަހުން މަހްލޫފް ކުރެއްވި ޓްވީޓެއްގައި ވިދާޅުވެފައި ވަނީ ބަޔަކު އޭނާގެ ވީޑިއޯ އެޑިޓްކޮށްގެން ދައްކަމުންދާ ކަމަށެވެ.
Miadhu Neillaidhoo ga alhugandu dhekki vaahaka olhuvaalaa edit kohgen tweetkoh hedhi faraaiythakah saafuvaane kamah ummeedhu kuran.
— Ahmed Mahloof (@AhmedMahloof) March 30, 2019
Iraadhakureviyya Vaikaradhoo Dhaairaage gondi thafaathu bodukoh kaamiyaabu kuravvaanee MDP ge candidate Ziyad (fittey) pic.twitter.com/n0cnuTcuig
އެމްއެމްޕީއާރުސީގެ ފައިސާތަކެއް އެކައުންޓަށް ޖަމާކުރި މައްސަލައިގައި ސަސްޕެންޑްކޮށްފައި ހުންނެވި މަހްލޫފު އެ ވާހަކަ ދެއްކި ވީޑިއޯއާ އެކު އަދާލަތު ޕާޓީން ކުރި ޓްވީޓެއްގައި ބުނީ، އެ ޕާޓީން ޓިކެޓް ދީފައިވާ ސަގީފްއަކީ ނިމި ދިޔަ ރިޔާސީ އިންތިހާބުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ކެމްޕޭނުގައި ވަރަށް ބުރަކޮށް މަސައްކަތް ކުރެއްވި ޒުވާނެއް ކަމަށެވެ. ފަރުދެއްގެ އާއިލީ މީހުންގެ ސިޔާސީ ފިކުރަށް ބިނާކޮށް ތަފާތު ކުރުމަކީ އެ ޕާޓީގެ ވިސްނުމެއް ނޫން ކަމަށް އެ ޓްވީޓްގައި ވެއެވެ.
AP in ticket dheefaivaa Vaikaradhoo dhaairaage candidate akee @Sageef_. Eynayakee nimidhiya inthikaab gai HEP @ibusolih ge campaign ga burakoh masahkayi kurevvi zuvaan leader eh. Farudhehge aailaameehunge siyasi fikurah binaakoh thafaathukurumuge bodhaavisnumakee APge sifaehnoon. pic.twitter.com/gkqpzSBrUM
— Adhaalath Party (@AdhaalathOffice) March 30, 2019
ނަމަވެސް ސޯޝަލް މީޑިއާގައި ވެސް މަހްލޫފް ގެންދަވަނީ ސަގީފްއާ ދެކޮޅަށް އެންޓި ކެމްޕެއިން ކުރައްވަމުންނެވެ.
RYameen ge RM Shaheem ge emme gaiy ekuveriyaa @alahusan ge ehbandu ebbafaa kokko, PPM ge atholhu councilor Shaqeef kulliyakah AP ge ticket ga nikutheema MDP candidate huttaa eynaa ah thaaeedhu kureveykah neiy.
— Ahmed Mahloof (@AhmedMahloof) March 30, 2019
Emeehunge aslu sifa miadhu anekkaaves dhakkaalaifi.
AP ikthiraamkuran pic.twitter.com/sWhp13ceAq
އަދާލަތުން އެމްޑީޕީގެ ބައެއް ދާއިރާތަކުގެ ކެންޑިޑޭޓުންނަށް ތާއިދު ކުރާކަން ދާދިފަހުން ވަނީ އިއުލާން ކޮށްފައެވެ. ކުރިޔަށް އޮތް ރައްޔިތުންގެ މަޖިލީހަށް އިންތިހާބަށް ވައިކަރަދޫ ދާއިރާ އަށް ހަތަރު ކެންޑިޑޭޓަކު ވާދަ ކުރެއެވެ.
