ބޮލީވުޑް އެކްޓަރ ސަލްމާން ޚާން ވަނީ އަންހެނުންގެ ދުވަހާ ގުޅިގެން އޭނާގެ ޓްވިޓާގައި ޚާއްސަ ޕޯސްޓެއް ކޮށްފައެވެ.
ސަލްމާން ވަނީ އޭނާގެ މަންމަ ސަލްމާ ޚާން އާއި ދޮން މަންމަ ހެލަންއާ އެކު ނަގާފައިވާ ފޮޓޯއެއް ޕޯސްޓް ކޮށްފައެވެ.
އެ ފޮޓޯގައި ފެނިގެންދަނީ ސަލްމާންގެ ދިރިއުޅުމުގައި ވަރަށް ޚާއްސަ ދެ އަންހެނުން ކަމަށްވާ މަންމަ އާއި ދޮން މަންމަ އޭނާގެ ގައިގައި ބައްދާލައިގެން ތިއްބައެވެ. އެ ފޮޓޯގެ ކެޕްޝަންގައި ހާޓް އިމޯޖީއާ އެކު ސަލްމާން ލިޔެފައި ވަނީ "ހެޕީ ވިމަންސް ޑޭ" އެވެ.
މި ޕޯސްޓް ވަރަށް ކަމުގޮސްގެން ސަލްމާންގެ ފޭނުން ވަނީ ފޮޓޯއަށް ކޮމެންޓް ކޮށްފައެވެ.
ބޮލީވުޑްގެ ކުރީގެ މަޝްހޫރު އެކްޓްރެސްއެއް ކަމަށްވާ ހެލަންއާ ސަލްމާންގެ ބައްޕަ ސަލިމް ޚާން ކައިވެނި ކޮށްފައިވަނީ 1981 ވަނަ އަހަރުއެވެ.
ސަލްމާން ދަނީ އޭނާގެ ދޮންމަންމަ ހެލަންއާ ވަރަށް ގާތް ގުޅުމެއް ބާއްވަމުންނެވެ. އާއިލާ އިން ބާއްވާ އެކި ހަފްލާތަކުގައި ވެސް އެންމެން އެއޮކޮށް ފެނިގެންދެއެވެ.
