އިނގިރޭސި ވިލާތުގެ ޒުވާނާ ޝަމީމާ ބޭގަމް އައިއެސްއާ ގުޅުމަށް ސީރިއާއަށް ދިޔުމަށްފަހު އެނބުރި ގައުމަށް ދިއުމަށް ބޭނުން ވާކަމަށް ބުނުމުން އާއިލާއިން އެކަމާ ދެކޮޅު ހަދާ ކަމަށް އާއިލާގެ ގާނޫނީ ވަކީލު ބުނެފިއެވެ.
އުމުރުން 19 އަހަރުގެ ބޭގަމްގެ ވާހަކަތައް ގަދަވެފައިވަނީ ސީރިއާގެ ރެފިއުޖީ ކޭމްޕެއްގައި އާދިއްތަ ދުވަހު ބޭގަމަށް ދަރިއަކު ލިބި އަދި އޭނާގެ ގައުމަށް އެނބުރި ދާން ބޭނުންވާ ކަމަށް ޔޫކޭގެ ނޫހެއްގައި ލިޔުނު ހިސާބުން ފެށިގެންނެވެ.
ބޭގަމްގެ އާއިލާގެ ގާނޫނީ ވަކީލު މުހައްމަދު އަކުންޖީ ކޮށްފައިވާ ޓުއިޓެއްގައި ބުނެފައިވަނީ ޝަމީމާ އެނބުރި އަންނާތީ އާއިލާއަށް މާޔޫސްކަން ލިބިފައިވާ ކަމަށާއި އަދި އޭނާ އަޔަނުދިނުމަށް ގާނޫނީ ގޮތުން ކުރެވެން ހުރި ހުރިހާ ކަމެއް ކުރާނެ ކަމަށެވެ.
ބޭގަން ސީރިއާއަށް ދަތުރުކޮށްފައިވަނީ އޭނާގެ އުމުރުން 15 އަހަރުގައި އޭނާގެ ރަށްޓެހިން ތަކަކާއި އެކުގައެވެ.
މީގެ ކުރިން ބޭގަމަށް ދެކުދިން ލިބިފައި ވީނަމަވެސް އެވަގުތު އެތަނުގެ ސިއްހީ ހާލަތު ހުރި ގޮތުންނާއި އަދި އުފެދިފައިވާ ބަލި މަޑުކަމުގެ ސަބަބުން އެ ދެކުދިންވެސް ވަނީ މަރުވެފައެވެ.
ޓައިމްސް ނޫހަށް ބޭގަމް ދީފައިވާ އިންޓަރވިއުއެއްގައި ބުނެފައި ސީރިޔާގައި 39000 މީހުން ރެފިއުޖީންގެ ގޮތުގައި އުޅޭ ކަމަށާއި ސީރިޔާއަށް އޭނާ ދިއުމުން އެކަމާއި އޭނާ ހިތާމަ ނުކުރާ ކަމަށެވެ.
އަދި ބޭގަމް ވިހޭތާ މާގިނަ ދުވަސްތަކެއް ނުވެ ސްކައި ނިއުސްއަށް ދިން އިންޓަވިއު އެއްގައި ބުނެފައިވަނީ އައިއެސްގައި ހުރި ނުރަނގަޅު ކަންތައްތައް އޭނާއަށް އެނގޭ ކަމަށާއި އަދި އެއީ މައްސަލައެއް ކަމަށް ބަލައި ނުގަންނަ ކަމަށެވެ.
ބޭގަމް އެތާ ހުރެ އެއްވެސް ޕްރޮޕެގެންޑާއެއް ނުފަތުރާ ކަމަށާއި އަދި އެހެން މީހުންވެސް އައިއެސްއާއި ގުޅުމަށް ހިތްވަރު ނުދޭ ކަމަށް ބުނެފައި ވެއެވެ.
