ބްރެޒިލްގެ ވެރިރަށް ރިއޯ ޑި ޖެނީރޯގައި ހުންނަ ފްލެމެންގޯ ފުޓްބޯޅަ ކްލަބުގެ ޓްރެއިނިން ސެންޓަރުގައި އަލިފާން ރޯވެ ދިހަ މީހަކު މަރުވެއްޖެއެވެ.
ރިޕޯޓްތައް ބުނާ ގޮތުގައި ނީނޯ ޑި އުރުބޫ ކިޔާ މި ސެންޓަރުގައި އަލިފާން ރޯވެފައިވަނީ އެ ކްލަބުގެ ޔޫތު ޓީމް ނިދަން ތިބި ބްލޮކްގައެވެ. އަދި މި ހާދިސާގައި 10 ކުދިން މަރުވެ ތިން ކުއްޖަކު ވަނީ ޒަޚަމްވެފައެވެ. މަރުވި ކުދިން މިހާތަނަށް ދެނެގަނެވިފައި ނުވާއިރު، އެ ބޮލްކް ހާއްސަ ކޮށްފައި ވަނީ އެ ޓީމްގެ އުމުރުން 14 އަހަރާއި 17 އަހަރާއި ދެމެދުގެ ކުދިންނަށް ކަމަށް ކަމާއިބެހޭ ފަރާތްތަކުން ވަނީ ރިޕޯޓްކޮށްފައެވެ.
Incêndio deixa dez mortos no Ninho do Urubu, centro de treinamento do Flamengo https://t.co/xLMVY6ieIt pic.twitter.com/HKF5eFXGCk
— O Globo_Rio (@OGlobo_Rio) February 8, 2019
މި ހާދިސާ ހިނގަން ދިމާވި ސަބަބު އަދި ހޯދިފައި ނުވާއިރު ކަމާއިބެހޭ ފަރާތްތައް ދަނީ މި ހާދިސާ ތަހުޤީޤު ކުރަމުންނެވެ.
ހުކުރު ދުވަހު މި ހާދިސާ ހިނގިއިރު، ޓްރެއިނިންގ ސެންޓަރުގެ ޚިދުމަތްތަކުގެ ފެންވަރު ރަނގަޅު ކުރުމަށް 6.2 މިލިއަން ޑޮލަރު ހޭދަކޮށްގެން ކުރިއަށްގެންދިޔަ މަރާމަތަށް ފަހު އެ ޓްރެއިނިން ސެންޓަރު ހުޅުވާފައި ވަނީ މީގެ ދެމަސް ކުރިންނެވެ.
ޔޫތު ޓީމްގެ އެކޮމޮޑޭޝަންގެ އިތުރުން އެ އިމާރާތުގައި ޕާކަކާއި، ޖިމަކާއި، މެޑިކަލް ސެންޓަރެއްގެ އިތުރުން ކުޑަ ސްޓޭޑިއެމެއްވެސް ވަނީ ހަދާފައެވެ.
މި ހާދިސާގެ ހަބަރު ލިބުމާއި އެކު އެ ޓީމަށް ކުރިން ކުޅުން އަދި ރިއާލް މެޑްރިޑަށް މިހާރު ކުޅެމުން އަންނަ ވިނިޝަސް ޖޫނިއާ ވަނީ ހިތާމަފާޅުކޮށް، ހާދިސާގައި ގެއްލުންވި ފަރާތްތަކުގެ އާއިލާތަކަށް ތައުޒިޔާ ފޮނުވާފައެވެ.
Só de lembrar as noites e dias que passei no ct, é de arrepiar. Ainda sem acreditar, mas em oração por todos! Que Deus abençoe a família de cada um! pic.twitter.com/RcBsdH3GME
— Vinicius Jr (@vini11Oficial) February 8, 2019
އަދި މީގެ އިތުރުން ދުނިޔޭގެ ގިނަ ފުޓްބޯޅަ ކްލަބްތަކަކުން ވަނީ ހިތާމައިގައި ބައިވެރިވެފައެވެ.
The thoughts of everyone at #ACMilan are with the victims of the @Flamengo fire and all those affected by this enormous tragedy
— AC Milan (@acmilan) February 8, 2019
Il nostro pensiero va alle vittime dell'incendio scoppiato nel centro sportivo del Flamengo. Ci stringiamo alle loro famiglie#ForçaFlamengo! pic.twitter.com/wBZfpHOfFn
We are very sorry for the young players who lost their lives in fire at @Flamengo's training center.
— Fenerbahçe English (@Fenerbahce_EN) February 8, 2019
We deeply share the sorrow of you.
ފްލެމިންގޯ ކްލަބަކީ ބްރެޒިލް އިތުރުން ދުނިޔޭގައިވެސް އެންމެ ގިނަ ބަޔަކު ސަޕޯޓްކުރާ ބްރެޒިލްއަށް ނިސްބަތްވާ ކްލަބެވެ. އެ ކްލަބް ވަނީ ކޮޕަ ލިބެރްޓަޑޯރެސްގެ އިތުރުން އިންޓަނޭޝަނަލް ކަޕްވެސް ކާމިޔާބުކޮށްފައެވެ.
