ލޮސް އެންޖެލިސްގެ ސްކޫލްތަކުގެ 30،000 އަށް ވުރެ ގިނަ ޓީޗަރުން މުސާރަ ބޮޑުކޮށްދިނުމަށް އެދި މަސައްކަތް ހުއްޓާލުމަށް ފަހު މުޒާހަރާކޮށްފިއެވެ.

ލޮސް އެންޖަލިސް ކައުންޓީ ސްކޫލް ޑިސްޓްރިކްޓަށް ހޯމަ ދުވަހު ދަރިވަރުން ސްކޫލަށް ދިޔައިރު ޓީޗަރުން ތިބީ ސައިން ބޯޑުތައް ހިފައިގެން ވާރޭގައި މުޒާހަރާގައެވެ.

ލޮސް އެންޖަލިސް ކައުންޓީ ސްކޫލް ޑިސްޓްރިކްޓްގެ 900 ކެމްޕަހުގައި 640،000 އެއްހާ ކުދިން ކިޔަވައެވެ. މިއީ އެމެރިކާގައި ދެވަނައަށް އެންމެ ބޮޑު ސްކޫލް ސިސްޓަމެވެ.

ޔޫނިއަނުން އެދެމުންދަނީ 6.5 އިންސައްތައިގެ މުސާރައިގެ ކުރިއެރުމެއް ދިނުމަށާއި ކެމްޕަސްތަކުގައި ލައިބްރަރޭނިއަނުން، ކައުންސެލަރުން އަދި ނަރުހުން އިތުރުކޮށްދީ ކްލާސް ރޫމުތައް ބޮޑުކޮށް ޓެސްޓްތައް މަދުކުރުމެވެ.

ވޭތުވެ ދިޔަ 30 އަހަރުގެ ތެރޭގައި ފުރަތަމަ ފަހަރަށް ޓީޗަރުން މުޒާހަރާކުރަން ޖެހުނީ އެތައް ހަފްތާތަކެއް ވަންދެން ކުރިޔަށްގެންދިޔަ މަޝްވަރާތައް ކޮޅެއްގައި ނުޖެހުމުންނެވެ.