މޯލްޑިވްސް އިންޓެގްރޭޓެޑް ޓޫރިޒަމް ޑިވެލޮޕްމެންޓް ކޯޕަރޭޝަން (އެމްއައިޓީޑީސީ) ގެ މެނޭޖިން ޑިރެކްޓަރުގެ މަގާމަށް ބޭފުޅަކު އައްޔަންކުރައްވައިފިއެވެ.
ހޯމަ ދުވަހު އެ މަގާމަށް އައްޔަން ކުރައްވާފައި ވަނީ ހ. ސްވޯޑް މުހައްމަދު ރާއިދެވެ.
އެމްއައިޓީޑީސީއަކީ ކުރީގެ ރައީސް ޔާމީންގެ ވެރިކަމުގައި އިންޓަގްރޭޓެޑް ޓުއަރިޒަމް މަޝްރޫއުތައް ހިންގާ ކުރިއެރުވުމަށް އުފެއްދެވި ކުންފުންޏެކެވެ.
Today we have appointed Mr.Mohamed Raaid,H. Sword as the Managing Director of Maldives Integrated Tourism Development Corporation Limited (MITDC) pic.twitter.com/0tmGOY5tkL
— Privatization & Corporatization Board (@pcb_gov) January 7, 2019
ކުންފުނިތަކުގެ ބޯޑަށް ބޭފުޅުން އައްޔަން ކުރައްވަނީ ޕްރައިވަޓައިޒޭޝަން އެންޑް ކޯޕަރޭޝަން ބޯޑުންނެވެ. ކުންފުނިތަކުގެ ބޯޑަށް އައްޔަން ކުރައްވާނެ ބޭފުޅުންގެ ނަންތައް ބޯޑަށް ފޮނުއްވާނީ ރައީސުލްޖުމްހޫރިއްޔާއެވެ.
މީގެ އިތުރުން، ޕްރައިވެޓައިޒޭޝަން އެންޑް ކޯޕަރޭޓައިޒޭޝަން ބޯޑުން ވަނީ އާދިއްތަ ދުވަހު ޕީއެސްއެމްގެ ބޯޑަށާއި، ފެނަކަ އަދި މޯލްޑިވްސް ޕޯޓްސް ލިމިޓެޑްގެ އިތުރުން މޯލްޑިވް ގޭސްގެ ބޯޑަށް ވެސް މެމްބަރުން އައްޔަންކުރައްވައިފައެވެ.
