ބޮލީވުޑްގެ ޒުވާން ދެ ތަރިން ކަމަށްވާ އަޔުޝްމަން ކުރާނާ އާއި ވިކީ ކައުޝަލް ފުރަތަމަ ފަހަރަށް " ކޮފީ ވިތް ކަރަން" ޝޯގައި ބައިވެރި ވެއްޖެ އެވެ.
މި ޝޯގެ ހޯސްޓް ކަރަން ޖޯހަރު ދަނީ މި ޝޯގައި ބައިވެރިވާ ތަރިންގެ ފޮޓޯ އާއި ވީޑިއޯތައް ހިއްސާކުރަމުންނެވެ.
ދާދި ފަހުން ކަރަން ވަނީ އޭނާގެ އިންސްޓަގްރާމްގައި އަޔުޝްމަން އާއި ވިކީ އާއި އެކު ޝޯގައި ނަގާފައިވާ ފޮޓޯއެއް ޕޯސްޓް ކޮށްފައެވެ.
އެ ފޮޓޯގެ ކެޕްޝަންގައި ލިޔެފައިވަނީ "ވިތް ދަ ޓެލެންޓެޑް އެކްޓާސް އެންޑް ސުޕަ ފަން ބޯއީސް" އެވެ.
"ކޮފީ ވިތް ކަރަން" ސީޒަން 6 ޕްރިމިއަރ ކޮށްފައި ވަނީ މިދޔަ އާދިއްތަ ދުވަހު އެވެ. ފުރަތަމަ އެޕިސޯޑުގައި ގެސްޓުންގެ ގޮތުގައި ބައިވެރި ވެފައި ވަނީ ދިޕިކާ ޕަދުކޯން އާއި އާލިއާ ބަޓް އެވެ.
