މޭގަން މާކެލް އާލާސްވެ އިންނެވި ކަން އިއުލާނުކޮށްފިއެވެ.
މިކަން ކެންޒިންޓަން ޕެލެސް އިން ވަނީ އިއުލާނުކޮށްފައެވެ. ޑިއުކް އެންޑް ޑަޗެސް އޮފް ސަސެކްސް، ޕްރިންސް ހެރީ އާއި މޭގަން މާކަލް ކައިވެނިކޮށްފައިވަނީ މެއި 19 ވަނަ ދުވަހުއެވެ. އަންނަ އަހަރުގެ ސްޕްރިންގައި މޭގަން މާކަލް ރައްކާވެވަޑައިގަންނަވާނެ ކަމަށް ވެސް ކެންޒިންޓަން ޕެލެސް އިން ވަނީ ހާމަކުރައްވާފައެވެ. ސްޕްރިންގ ދުވަސްވަރަކީ އޭޕްރީލް މަހުން ޖޫން މަހަށެވެ. ހެރީ އާއި މޭގަން އަށް ލިބޭ ދަރިވެގެންދާނީ އިނގިރޭސިވިލާތުގެ ރާނީ އެލިޒަބެތުގެ މުނި މާމަ ދަރިންނަށެވެ.
ހެރީ އާއި މޭގަން މިހާރު ގެންދަވަނީ އޮސްޓްރޭލިއާއަށް ދަތުރުފުޅެއް ކުރައްވަމުންނެވެ. ދެ ހަފްތާއަށް ކުރައްވާ މި ދަތުރުގައި އޮސްޓްރޭލިއާގެ ރައްޔިތުންނާ ބައްދަލު ކުރެއްވުމަށް ވަނީ ހަމަޖެހިފައެވެ. މިއީ ކައިވެންޏަށް ފަހު މިގޮތަށް ކުރައްވާ ފުރަތަމަ ދަތުރުފުޅެވެ. ދަތުރުފުޅުގައި ނިއުޒިލެންޑާއި ޓޮންގާ އާއި ފިޖީއަށް ދަތުރުކުރެއްވުމަށް ހަމަޖެހިފައިވެއެވެ.
