މިއަހަރުގެ ކޮންމެ މަހެއްގައި ސްޕެޝަލިސްޓް އޮޕަރޭޝަން ޑިޕާޓްމަންޓްގެ ޔުނިޓްތަކުގައި ހަރަކާތްރެރިވާ ފުލުހުންނަށް ތަމްރީނު ޕްރޮގްރާމު ހިންގުމަށް ފުލުހުން ނިންމައިފި އެވެ.
ފުލުހުން ވަނީ ސްޕެޝަލިސްޓް އޮޕަރޭޝަން ޑިޕާޓްމަންޓްގެ ޕަބްލިކް ސޭފްޓީ އެންޑް ރެސްޕޮންސް ޔުނިޓް (ޕީއެސްއާރުޔޫ) ގައި މަސައްކަތްކުރާ ފުލުހުންނަށް އަމާޒުކޮށްގެން ކްރައުޑް މެނޭޖްމަންޓް ރިފްރެޝަރ ޓްރެއިނިންގ ޕްރޮގްރާމެއް ވެސް ވިލިމާލޭގައި ކުރިއަށް ގެންގޮސްފަ އެވެ.
ވިލިމާލޭގައި ކުރިއަށް ގެންދިޔަ މި ރިފްރެޝަރ ޓްރެއިނިންގ ޕްރޮގްރާމަކީ ކްރައުޑް މެނޭޖްކުރުމުގެ ހުނަރާއި އުކުޅުތައް ފަރިތަކޮށް ޓީމްތަކުގެ ކޯޑިނޭޝަން އާއި މުވައްޒަފުންގެ ޓީމްވޯކް މިހާރަށްވުރެ ރަނގަޅުކުރުމާއި ގުޅޭ ގޮތުން ހަރަކާތްތައް ކުރިއަށް ގެންގޮސްފައިވާ ކަަމށް މިނިސްޓަރ ވިދާޅުވި އެވެ.
ސްޕެޝަލިސްޓް އޮޕަރޭޝަން ޑިޕާޓްމަންޓްގެ އެކި ޔުނިޓްތަކުގައި މަސައްކަތްކުރާ މުވައްޒަފުންގެ ޤާބިލްކަން އިތުރުކުރުމުގެ ގޮތުން މި އަހަރުގެ ތެރޭގައި ސިލްސިލާކޮށް ޓްރެއިނިންގ ޕްރޮގްރާމްތަކެއް ހިންގުމަށް ރޭވިފައިވާ ކަމަށް ފުލުހުން ބުނެ އެވެ.
