އަންނަ މާރޗް މަހު އޮލިމްޕަހުގައި އެޅުވުމަށް ހަމަޖެހިފައިވާ "މަލިކާ"ގެ ޓިކެޓް މި މަހުގެ ފަހަކުން ފެށިގެން އޮލިމްޕަހުން ވިއްކާ ގޮތަށް ހަމަޖައްސައިފިއެވެ.
އަހުމަދު ނާސިރު ( މައްލާ) އާއި އިބްރާހިމް ރަޝީދު (އިއްބެ) ޕްރޮޑިއުސް ކޮށްފައިވާ މި ފިލްމު އޮލިމްޕަހުގައި އެޅުވުމަށް ހަމަޖެހިފައި ވަނީ މާރޗް މަހުގެ ދެވަނަ ދުވަހު އެވެ.
ކުރިން މި ފިލްމުގެ ޓިކެޓް މިއަދު ވިއްކަން ފަށާ ގޮތަށް ހަމަޖެހިފައި ވަނިކޮށް ފިލްމްގެ ޓިކެޓް ވިއްކުން ލަސްކޮށްފައިވަނީ އޮލިމްޕަހުގެ ކުރީގެ ދެ ފިލްމެއް އަލުން އަޅުވާތި ކަމަށް މަލިކާ ޓީމުން މައުލޫމާތު ދެއެވެ.
މަލިކާގެ ޓިކެޓް މިމަހުގެ 5 ގައި ވިއްކަން ފެށުނަމަވެސް މިހަރުވެސް 7447555 އަށް ގުޅައިގެން ޓިކެޓް ބުކް ކުރެވޭނެ ކަމަށް މަލިކާ ޓީމުން މައުލޫމާތު ދެއެވެ.
މި ފިލްމަކީ ބިންމާ އިބްރާހިމް ވަހީދު ލިޔެފައިވާ އާއިލީ ލޯބީގެ ހަދިސާއެއްގެ މައްޗަށް ބިނާކޮށް ލިޔެފައިވާ ވާހަކަ އެއްގެ މައްޗަށް ތައްޔަރު ކުރާ ފިލްމެކެވެ.
މި ފިލުމްގައި ހިމެނޭ ތަރިންގެ ތެރޭގައި ފިލްމީ ދާއިރާއަށް އަލަށް ތައާރފްވާ ނުޒުހަތު ޝުއައިބް ( ނުޒޫ) އާއި މަރިޔަމް ޝަކީލާ، އިސްމާއިލް ޒާހިރު، އަލީ ފާރޫގް، އަހުމަދު އަސިމް، ފާތިމަތު އާޒިފާ، ޖުމައްޔިލް ނިމާލް، އަލީ އާޒމް، ސުޖީތާ އަބްދުﷲ އަދި އަހުމަދު ޝާކިރު ހިމެނެއެވެ.
