ޑާކްރެއިން އެންޓަރޓެއިންމަންޓުން އުފައްދާ ފިލްމް "މީ ލޯތްބަކީ" އަންނަ އެޕްރީލް މަހު އޮލިމްޕަހުގައި އެޅުވުމަށް ހަމަޖެހިފައިވާ ކަމަށް އެ ފިލްމުމގެ ޑައިރެކްޓަރ އަލީ ޝިފާއު ބުނެފިއެވެ.
ރާއްޖެ އެމްވީއަށް މައުލޫމާތު ދެމުން ޝިފާއު ބުނީ އަންނަ އެޕްރީލް މަހުގެ ފަސްވަނަ ދުވަހު ރިލީޒް ކުރަން ހަމަޖެހިފައިވާ މި ފިލްމުގެ ޝޫޓިން މިހާރު އެއްކޮށް ނިމިފައިވާ ކަމަށެވެ. އަދި މިހަރު ކުރިއަށް ދަނީ ޑަބިން އާއި ޕޯސްޓް ޕްރޮޑަކްޝަންގެ މަސައްކަތްތައް ކަމަށެވެ.
ރޮމޭންޓިކް ކޮމެޑީ ވާހަކައެއްގެ މައްޗަށް ބިނާކޮށް ހަދާ މި ފިލްމުގައި ލީޑް ރޯލުން ފެނިގެން ދަނީ ޖުމައްޔިލް އާއި މަރިއްޔަމް އައްޒަ އަދި އަލަށް ފިލްމީ ދާއިރާއަށް ތައާރަފްވާ ސަމާ އެވެ.
އަމިއްލަ ރާގުގެ ލަވަތައް މި ފިލްމުގައި ހިމެނޭއިރު ފިލްމުގެ ލަވަތައް ކިޔަދީފައިވަނީ ޑީ ޓިއުން ބޭންޑާއި، އީކުއޭޓީކް ވައިބް އަދި ސްކޯސްއޮފް ފްލެއާސް ބޭންޑުންނެވެ.
މުހައްމަދު އަލީ ޕްރޮޑިއުސްކުރާ މި ފިލްމުގެ ޝޫޓިންތައް ނަގާފައިވަނީ މާލެ، ހުޅުމާލެ އަދި ވިލިނގިލީގައެވެ.
