ވޯޓްލާ މަރުކަޒެއް ކަމަށް ބުނެ އިލެކްޝަންސް ކޮމިޝަނުން ބުނި މަރުކަޒަކަށް ދިޔައިރު އެތަނުގައި ވޯޓްލެވޭނެ ގޮތެއް ނެތިގެން ޕާކިސްތާނުގެ ރައްޔިތުންތަކެއް ޝަކުވާކޮށްފިއެވެ.

ބުދަ ދުވަހު ކުރިޔަށްދާ ޕާކިސްތާނުގެ އާއްމު އިންތިޚާބުގެ ވޯޓްލުން ހެނދުނު އަށެއް ޖެހިއިރު ފެށިގެންދަނީ ކުރިއަށެވެ.

ވޯޓްލާ މަރުކަޒެއް ކަމަށް ބުނެ ވޯޓްލާނެ އިންތިޒާމް ހަމަޖަހިފައި ނުވަނީ އަޚުންއާބާދުގައި ހުންނަ ސަރުކާރުގެ ޕްރީ ސްކޫލެއްގައެވެ. އެތަނަކީ ވޯޓްލާ މަރުޒެއް ކަމަށް ބުނެ އެ އެޑްރެސް ދީފައި ވަނީ އިލެކްޝަން ކޮމިޝަނުންނެވެ.

އެތަނުގައި ހުރި މީހަކާ ހަވާލާދީ ސަމާ ޓީވީގައި ބުނެފައިވާ ގޮތުގައި އެތަނުގައި ތިބި އެއްމެން އެތަނަށް ދިޔައީ އިލެކްޝަންސް ކޮމިޝަނުން މެސެޖް ލިބުމުންނެވެ. އެތަނުގައި އެކި ސިޔާސީ ޕާޓީތަކަށް ނިސްބަތްވާ އެތައް ބަޔަކު ތިބި ކަމަށް އޭނާ ވަނީ ބުނެފައެވެ.

އަށެއް ޖެހިއިރު ވޯޓްލުން ފަށާފައި ވާއިރު 7 ޖެހުމުގެ ކުރިން ގިނަ ސްޓޭޝަންތަކުގެ ކައިރީގައި ކިއު ހަދާފައިވެއެވެ.

ވޯޓްލާ މަރުކަޒުތައް ބަންދުކުރާނީ ހަވީރު ހައެއް ޖަހާއިރުއެވެ

ޖުލައި 25 ވަނަ ދުވަހު އޮންނަ އިންތިޚާބުގައި ވޯޓު ލުމަށް 85،000 މަރުކަޒު ކަނޑައަޅާފައި ވެއެވެ. އިންތިޚާބުގައި، ނޭޝަނަލް އެސެމްބްލީގެ ގޮނޑިތަކަށް 3،765 ކެންޑިޑޭޓުން ވާދަ ކުރެއެވެ.