އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) މިއަދު ވެސް އެޕާޓީގެ ކެމްޕެއިން ޓީމުތަކާއެކު ބައްދަލުވުންތައް ކުރިޔަށް ގެންގޮސްފިއެވެ.
މިއަހަރުގެ ރިޔާސީ އިންތިހާބާއި ގުޅިގެން އެމްޑީޕީއިން ކުރިޔަށް ގެންދާ "ޖަޒީރާ ރާއްޖެ" ކެމްޕެއިން ކުރިޔަށް ގެންދާނެ ގޮތަކާއި މެދު މަޝްވަރާ ކުރެއްވުމަށް އިބޫ ވަނީ މިއަދު ވެސް މުޅި ދުވަހު އެކި ކެމްޕެއިން ޓީމްތަކާއި ބައްދަލުކުރައްވާފައެވެ. އެގޮތުން އެމަނިކުފާނު ދުވަސް ފައްޓަވާފައިވަނީ ރ. އަތޮޅުގެ ކެމްޕެއިން ޓީމާއި އެކީ ކުރެއްވި ބައްދަލުވުމުންނެވެ. އޭގެފަހުން އެމަނިކުފާނު ވަނީ އެމްޑީޕީގެ ޒުވާނުންގެ ހިތްވަރާއި ބައްދަލުކޮށް ކެމްޕެއިން ކުރިޔަށް ގެންދަވާނެ ގޮތަކާއި މެދު މަޝްވަރާ ކުރައްވާފައެވެ.
ހަމައެހެންމެ އެމަނިކުފާނު ވަނީ ގއ. އަތޮޅާއި ފުވައްމުލަކުގައި "ޖަޒީރާ ރާއްޖެ" ކެމްޕެއިން ހިންގެވުމުގައި އިސްކޮށް ހަރަކާތްތެރިވާ ފަރާތްތަކާއި ބައްދަލުކުރައްވާ މަޝްވަރާ ކުރައްވާފައެވެ. ހަމައެހެންމެ އެމްޑީޕީގެ އެންމެ ވަރުގަދަ ގުނަންގެ ގޮތުގައި ފެންނަ އަންހެނުންގެ ރޫހުގެ މެމްބަރުންނާއި ވެސް އިބޫ ވަނީ ބައްދަލުކުރައްވާފައެވެ.
MDP ge Riyaasee Candidate Hon.@ibusolih,@MDPYouth aai bahdhalu kurahvanee#JazeeraRaajje pic.twitter.com/d3on6JsbcE
— MDP Secretariat (@MDPSecretariat) July 3, 2018
މީގެއިތުރުން އެމަނިކުފާނު ވަނީ ރޭސިންގް އެސޯސިއޭޝަނުގެ މެމްބަރުންނާއި ބައްދަލުކުރައްވައި އެ އެސޯސިއޭޝަނުގެ ހިޔާލު ވެސް ހޯއްދަވާފައެވެ.
MDP ge Riyaasee Candidate Hon.@ibusolih,Racing Association aai bahdhalu kurahvanee#JazeeraRaajje pic.twitter.com/h5UWig0b94
— MDP Secretariat (@MDPSecretariat) July 3, 2018
މި ބައްދަލުވުންތަކުގެ ތެރެއިން ޕީޕީއެމްގެ އިސް ހަރަކާތްތެރިއެއް ކަމަށްވާ ސިމާހް އިބްރާހިމް ވަނީ އެމްޑީޕީއާ ގުޅިވަޑައިގެން އޭނާގެ ފޯމް އިބޫއާއި ހަވާލުކުރައްވާފައެވެ.
PPM ge Iss harakaaiytherieh kamahvaa Simah Ibrahim MDP aai gulhi vadaigenfi pic.twitter.com/eQX0DxUno3
— MDP Secretariat (@MDPSecretariat) July 3, 2018
މި ބައްދަލުވުންތަކުގައި އެމަނިކުފާނާއެކު އެމްޑީޕީގައި އިސްކޮށް ހަރަކާތްތެރިވާ ބޭފުޅުން ވަނީ ބައިވެރިވެވަޑައިގެންފައެވެ. މައިގަނޑު ގޮތެއްގައި މި ބައްދަލުވުމުގައި މަޝްވަރާ ކޮށްފައި ވަނީ ކެމްޕޭން ހަރަކާތްތައް ވަރުގަދަކޮށް، ކެމްޕެއިން ކުރިއަށް ގެންދާނެ ގޮތާއި މެދުގައެވެ.
MDP ge Riyaasee Candidate Hon.@ibusolih,MDP Anhenunge Roohuge membarun’aai bahdhalu kurahvanee#JazeeraRaajje pic.twitter.com/wDbQVhkpHe
— MDP Secretariat (@MDPSecretariat) July 3, 2018
ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓެއްގެ ގޮތުގައި ނެރުމަށް ނިންމާފައި ވަނީ އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހުއެވެ. އިބޫ އާއި އެކު ރިޔާސީ އިންތިހާބުގައި ނުކުންނާނީ ޖޭޕީގެ ރަނިންމޭޓެކެވެ. ރަނިންމޭޓަކަށް ނުކުންނާނެ ބޭފުޅެއް ޖޭޕީން ކަނޑައެޅުމާއި އެކު، ކެމްޕޭން ހަރަކާތްތައް ރަސްމީކޮށް ފަށާނެ ކަމަށް ގުޅިފައިވާ ސިޔާސީ ޕާޓިންތަކުން ވަނީ ބުނެފައެވެ.