ރައީސް އަބްދުﷲ ޔާމީން ގެންދަވަނީ ރިޔާސީ އިންތިޚާބު ކައިރިވާ ވަރަކަށް ބާރާއި ނުފޫޒު މުއައްސަސާތަކުގެ މައްޗަށް އިތުރުކުރަމުން ކަމަށް މިސަރުކާރުގެ ފުރަތަމަ ނައިބް ރައީސް ޑރ މުހައްމަދު ޖަމީލު ވިދާޅުވެއްޖެ އެވެ.
ޑރ ޖަމީލް ކުރެއްވި ޓްވީޓެއްގައި ވިދާޅުވީ ހުދުމުހުތާރު ވެރިކަމެއްގެ ތެރެއިން ދިވެހި ރައްޔިތުންނަށް އެތަކެއް އަނިޔާއެއް ރައީސް ޔާމީން ދެމުން ގެންދާއިރު އެކަންކަން ހުއްޓުވުމަށް ބައިނަލްއަގްވާމީ ގައުމުތަކުން ރާއްޖެއާ މެދު ހަރުދަނާ ފިޔަވަޅުތަކެއް އަޅަންޖެހޭ ކަމަށެވެ. ބާރާއި ނުފޫޒުން މިހާރު ވެސް އެތައް ބަޔަކު ނުހައްގުން ޖަލައްލާފައިވާ ކަމަށާއި، ފާރިސް މައުމޫންގެ މައްޗައް ޖަލު ހުކުމް އިއްވީ ވެސް ނުފޫޒު ފޯރުވައިގެން ކަމަށް ޑރ ޖަމީލު ވިދާޅުވި އެވެ.
އެގޮތުން ވިލާތުގެ އިއްތިހާދާއި އދ އަދި ބައިނަލްއަގްވާމީ ގައުމުތަކުން ރައްޔިތުންނަށް އަނިޔާދޭ ސަރުކާރެއް ބަލައި ނުގަތުމަށް ޑރ ޖަމީލު ވަނީ ގޮވާލާފަ އެވެ.
As prez poll nears, YAG tightens grip. Jailing nephew @afarismaumoon on trumped up charges proves regime can only be contained via firm action by intl community: @UN @EUCouncil @MEAIndia. Reprimand a regime terrorising a nation & becoming real menace to own people & region.
— Mohamed Jameel Ahmed (@MJameelAhmed) June 28, 2018
ޑރ ޖަމީލު ވިދާޅުވީ ރައީސް ޔާމީންގެ ސަރުކާރު މިހާރު އޮތީ ނޭވާ ހޮޅިއަށް އެޅިފައި ކަމަށާއި، ނަމަވެސް މިސަރުކާރުން ދަނީ ރައީސް ޔާމީނާއި ވާދަކުރަން ތިބި ހުރިހާ އިދިކޮޅު ލީޑަރު ގާނޫނާއި ހިލާފަށް ގާނޫނުތައް އުފައްދައިގެން އެމީހުން އިންތިޚާބެއްގައި ވާދަ ނުކުރޭވޭ ގޮތަށް ހަދަމުން ކަމަށެވެ.
މިއަހަރު ބާއްވާ ރިޔާސީ އިންތިޚާބު އޮޅުވާލަން މިސަރުކާރުން މަސައްކަތް ކުރަމުންދާކަން ފާހަގަކުރައްވައި ޑރ ޖަމީލު ވިދާޅުވީ އިންޓަރނޭޝަނަލް އޯގަނައިޒޭޝަން ތަކުން އިސްލާހު ކުރަން އަންގާ ކަންތައްތަކަށް މިސަރުކާރުން ބީރު ކަންފަތެއްދެނީ އިންތިޚާބު އޮޅުވާލުމުގެ މަގުސަދުގައި ކަމަށެވެ.
A rather desperate YAG conspiring to eliminate every possible challenger to his autocracy by proposing unconstitutional laws. Regime determined to steal not only election but ignore intl appeals. The solution: a strong, UNITED opposition leading #Maldivian people’s aspirations. pic.twitter.com/fytNIhn77s
— Mohamed Jameel Ahmed (@MJameelAhmed) June 27, 2018
ޑރ ޖަމީލު ވިދާޅުވީ މިއަނިޔާވެރިކަމުން ސަލާމަތްވުމަށް އެންމެން އެކަތި ގަނޑަކަށް ވެގެން މަސައްކަތް ކުރަންޖެހޭ ކަމަށާއި، މިސަރުކާރާއި ދެކޮޅަށް ނުކުންނަން ޖެހޭ ކަމަށެވެ. އެހެން ނޫން ނަމަ މިކަމުން ސަލާމަތް ނުވެވޭނެ ކަމަށް ޑރ ޖަމީލު ވިދާޅުވި އެވެ.