މެންޗެސްޓާ ޔުނައިޓެޑަށް ކުޅެމުން އަންނަ މޯގަން ޝްނައިޑެލިން އެވަޓަން އަށް ވިއްކާލަން ނިންމައިފި އެވެ.
ކުރިން ސައުތުހޭމްޓަން އަށް ކުޅުނު ޝްނައިޑެލިން ޔުނައިޓެޑަށް ބަދަލުވީ 2015 ވަނަ އަހަރު 25 މިލިއަން ޕައުންޑުގެ އަގަކަށެވެ. ރިޕޯޓްތައް ބުނާ ގޮތުން ޝްނައިޑެލިން އެވަޓަން އަށް ބަދަލުވާނީ 22 މިލިއަން ޕައުންޑުގެ އަގަކަށެވެ.
ޝްނައިޑެލިންގެ އިތުރުން ޔުނައިޓެޑަށް ކުޅެމުން އަންނަ މެމްފިސް ޑިޕޭ ހޯދުމަށް ވެސް އެވަޓަން އިން ވަނީ ޝައުގުވެރިކަން ފާޅުކޮށްފަ އެވެ. މީގެ އިތުރުން ޑިޕޭ ހޯދުމަށް ފްރާންސްގެ ބައެއް ކްލަބުތަކުން ޝައުގުވެރިވާ ކަމަށް ރިޕޯޓްތައް ބުނެ އެވެ.
ފްރާންސަށް އުފަން އުފަން ޝްނައިޑެލިންއަކީ ޔުނައިޓެޑްގެ ކޯޗު ކަމުގައި ލުއިސް ވެންހާލް ހުރިއިރު ގެނައި ކުޅުންތެރިއެކެވެ.
ނަމަވެސް ޔުނައިޓެޑުގެ ކޯޗުކަމާ ހޯޒޭ މޮރީނިއޯ ހަވާލުވި ފަހުން އޭނާއަށް ވަނީ ކުޅުމުގެ ފުރުސަތު ލިބުން މަދުވެފަ އެވެ. އެގޮތުން ޝްނައިޑެލިން މި ސީޒަނުގައި ޔުނައިޓެޑަށް ކުޅެފައި ވަނީ އެންމެ 8 މެޗެވެ.
ޝްނައިޑެލިން ހޯދުމަށް މީގެ ކުރިން ވެސްޓްބްރޮމްވިޗުން ވެސް ވަނީ މަސައްކަތް ކޮށްފަ އެވެ.
