ބިއްލޫރި ދޮރެއް ތަޅައިގެންގޮސް ކަލާފާނު ސްކޫލުގެ ދަރިވަރަކު ޒަޚަމްވެއްޖެއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި އެ ހާދިސާ ހިނގީ ހުރާގައި އޮތް ކޭމްޕެއްގައި ދަރިވަރު ބައިވެރިވުމަށް ފަހު އެނބުރި އައިސް ސްކޫލަށް ތަކެތި ވައްދަން އުޅުމުގެ ތެރޭގައެވެ. އަދި އޭރު އެކުއްޖާގެ ބެލެނިވެރިޔާ ވެސް އެކުއްޖާގެ ގާތުގައި ހުރިކަމަށް ކަލާފާން ސްކޫލުން ބުނެފައިވެއެވެ.
މިދިޔަ ހޮނިހިރު ދުވަހު ހިނގި އެ ހާދިސާގައި ދަރިވަރުގެ ދެ އަތަށް ވެސް އެކި ވަރުގެ ޒަޚަމްތަކެއް ލިބިގެން އައިޖީއެމްއެޗްގައި ފަރުވާ ދީފައިވާ ކަމަށް ސްކޫލުން ބުނެފައިވެއެވެ. އެކުއްޖާގެ ހާލު މިހާރު ރަނގަޅު ކަމަށާއި އަންނަ ހަފުތާގައި ދަރިވަރު ސްކޫލަށް ނިކުންނާނެ ކަމަށް ވެސް ކަލާފާނު ސްކޫލުން ވަނީ ބުނެފައެވެ.
