ދިރާގުން ވަރަށް ތަފާތު ޕްރޮމޯޝަނެއް ފަށައިފިއެވެ.

އޭޕްރިލް 26 ވަނަ ދުވަހު ދިރާގުން ފަށާފައިވާ ޕްރޮމޯޝަންގެ ދަށުން މާލޭގައި ހުންނަ ބާރގާ ކިންގް، ދަ ޕިއްޒާ ކޮންޕެނީ އަދި ދަ ކޮފީ ކްލަބުން، ބިލްގެ ޖުމްލަ އަދަދުން 50 ޕަސަންޓް ޑިސްކައުންޓް ލިބިގެންދާނެއެވެ. މި ޕްރޮމޯޝަން ހަމައެކަނި ހާއްސަ ކުރެވިފައި ވަނީ ދިރާގު ކަސްޓަމަރުންނަށެވެ.

ޕްރޮމޯޝަންގައި ބައިވެރިވުމަށް FF ޖެހުމަށް ފަހު 2882 އަށް އެސްއެމްއެސް އެއް ކޮށްލުމުން ކޯޑެއް ލިބިގެންދާނެ ކަމަށް ދިރާގުން ބުންޏެވެ. އަދި އެ ކޯޑު 24 ގަޑިއިރުގެ މުއްދަތަކަށް ބޭނުން ކުރެވޭނެ ކަމަށް ވެސް ދިރާގުން ވަނީ ބުނެފައެވެ.

މީގެ އިތުރުން ކޮންމެ ދުވަހަކަށް ދިރާގުގެ ކަސްޓަމަރުންނަށް ޖެނެރޭޓް ކުރެވޭނީ ދެ ކޯޑު ކަމަށާއި ދެ އައުޓްލެޓެއްގައި އެ ކޯޑުތައް ބޭނުން ކުރެވޭނެ ކަމަށް ވެސް ދިރާގުން ބުންޏެވެ.

ބިލްގެ ޖުމްލަ އަދަދުން ޑިސްކައުންޓް ހޯދުމަށް އެ ރެސްޓޯރެންޓެއްގެ ކޭޝިއަރާ ކޯޑު ހިއްސާ ކުރުމަށް ދިރާގުން ވަނީ އެދިފައެވެ.

ޕްރޮމޯޝަން ކުރިއަށްދާނީ މެއި މަހުގެ 5 ވަނަ ދުވަހުގެ ނިޔަލަށެވެ.