ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި 45 މިލިއަން ލީޓަރުގެ ޖެޓް ފިއުލް ރައްކާކުރެވޭ ފިއުލް ފާމެއް ގާއިމުކުރުމުގެ މަސައްކަތް މޯލްޑިވްސް އެއާޕޯޓްސް ކޮންޕެނީ ލިމިޓެޑް (އެމްއޭސީއެލް) އިން ފަށައިފިއެވެ.
އެ ވެލާނާ އިންޓަނޭޝަނަލް އެއާޕޯޓް ހިންގަމުން އަންނަ އެއާޕޯޓްސް ކޮމްޕެނީން ހާމަކުރި ގޮތުގައި މިހާރު ހިންގަމުންދާ ތަރައްގީގެ މަޝްރުއުގެ ދަށުން އެ އެއާޕޯޓުގައި ފިއުލް ފާމެއް ގާއިމު ކުރުމުގެ މަސައްކަތް ކުރެވެމުންދާ ކަމަށާއި ޖެޓް ފިއުލް ރައްކާކުރެވޭ ތިން ޓޭންކުގެ ވަށަމިނުގައި 37 މީޓަރު ހުންނާނެ ކަމަށްވެސް އެމްއޭސީއެލް އިން ބުނެއެވެ.
އެމްއޭސީއެލްއިން ބުނީ އެ ޓޭންކްތަކުގައި 45 މިލިއަން ލީޓަރުގެ ޖެޓް ފިއުލް ރައްކާކުރެވޭއިރު، އެއް މިލިއަން ލީޓަރުގެ ޑީސަލް އަދި ފަސް ލައްކަ ލީޑަރުގެ ޕެޓްރޯލް ރައްކާ ކުރެވޭނެ ދެ ޓޭންކް ވެސް ގާއިމު ކުރެވޭނެ ކަމަށެވެ. އެއީ މިހާރު އެއާޕޯޓުގައި ހުރި ކެޕޭސިޓީއަށް ވުރެ 3 ގުނަ އިތުރު އަދަދެއް ކަމަށް އެމްއޭސީއެލް އިން ބުނެއެވެ.
Works on new Fuel Farm started @VelanaAirport .3 tanks of each 37meters in diameter will be built with a provision of another 2 tanks. The tanks will host 45 million litres of Jet A1,1 million litres of Diesel & 0.1 million litres of petrol,3 times the size of existing facility pic.twitter.com/3Y81PYwmSc
— MACL (@MACLmedia) April 17, 2018
ވީއައިއޭ ތަރައްގީކުރުމުގެ މަސައްކަތް ކުރަމުންދާއިރު މިމަހުގެ 15 ވަނަ ދުވަހު ވަނީ، ފިނިކޮށްގެން ބަހައްޓަންޖެހޭ ކާގޯ ރައްކާކުރާ ތަނުގެ ޖާގަ އިތުރުކޮށް ހުޅުވާފައެވެ. އެގޮތުން އެ ސްޓޯރޭޖްގައި 266 ޓަނުގެ ކާބޯތަކެތި ރައްކާކުރެވޭނެ ޖާގަ ވަނީ އިތުރުކޮށްފަ އެވެ.
Inauguration of Cargo Import "temperature controlled" perishable Storage Area.
— MACL (@MACLmedia) April 15, 2018
This new facility can now store 266 tons of perishable cargo against the previous 76 tons @VelanaAirport. MACL has been continuously upgrading its infrastructure to maximise its services to customers pic.twitter.com/93dDeSlWlT
މީގެއިތުރުން ވެސް އެއާޕޯޓް ތަރައްގީ ކުރުމުގެ މަޝްރޫއުގެ ދަށުން އާ ކާގޯ ޓާމިނަލެއް ތަރައްގީ ކުރުމަށް ވަނީ ހަމަޖެހިފަ އެވެ. އެތަނުގައި އެއް ފަހަރާ 120،000 މެޓްރިކް ޓަނުގެ ކާގޯ ރައްކާ ކުރެވޭނެ ކަމަށް އެމްއޭސީއެލްއިން ބުނެއެވެ.
ވެލާނާ އިންޓަނޭޝަނަލް އެއާޕޯޓް ތަރައްގީ ކުރުމުގެ މަޝްރޫއު ހިންގަމުންދާއިރު، އާ ރަންވޭގެ މަސައްކަތް ވެސް ދަނީ ކުރަމުންނެވެ. އެއާރޕޯޓްގެ ތަރައްގީގެ މަޝްރޫއަކީ އެއް ބިލިއަން ޑޮލަރުގެ މަޝްރޫއުއެއް ކަމަށް ސަރުކާރުން ބުނެއެވެ.
