ހދ. ކުޅުދުއްފުށީގައި ކާރެއް ކޮންޓްރޯލް ނުކުރެވިގޮސް ހޮޅިދަނޑިއެއްގައި ޖެހި އެކްސިޑެންޓްވެ، ކާރަށް ބޮޑެތި ގެއްލުންތަކެއް ވެއްޖެއެވެ.
ކުޅުދުއްފުށިން މައުލޫމާތު ދިން ގޮތުގައި މި އެކްސިޑެންޓް ހިނގާފައި ވަނީ ހުކުރު ދުވަހު ރޭ ދަންވަރު އެކެއް ޖަހާކަންހާއިރުއެވެ. މި މިއެކްސިޑެންޓްގައި ކާރު ޖެހިފައި ވަނީ އަމީނީމަގު، ފެމިލީ ބޭކަރީއާ ދިމާގައި ހުރި ހޮޅިދަނޑިއެއްގައެވެ.
މައުލޫމާތު ލިބިފައިވާ ގޮތުގައި މިއެކްސިޑެންޓް ހިނގި ވަގުތުގައި ކާރުގައި ޑްރައިވަރުގެ އިތުރުން އެއްވެސް މީހަކު ނެތެވެ. ޑްރައިވަރަށް އަނިޔާނުވެ ސަލާމަތްވެފައިވާއިރު ކާރުގެ ކުރީކޮޅަށް ވަނީ ބޮޑެތި ގެއްލުންތަކެއް ލިބިފައެވެ. މިހާދިސާގައި ހޮޅިދަނޑި ވަނީ ވެއްޓިފައެވެ.
