ވިލިމާލޭގެ ގުދަނެއްގައި ހިނގި އަލިފާނުގެ ހާދިސާއެއްގައި، އެނދީ ރައީސް އަބްދުﷲ ޔާމީންގެ ސަރުކާރުން ހުޅުވާލި ބޯހިޔާވަހި ކަމުގެ މަޝްރޫއަކުން ފްލެޓަށް އެދި ހުށަހެޅި ފޯމުތަކެއް ނޫން ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
މިދިޔަ މަހު ވިލިމާލޭގެ ގުދަނެއްގައި ހިނގި އަލިފާނުގެ ހާދިސާއަކީ ހައުސިން މިނިސްޓްރީއާ ގުޅޭ މުހިއްމު ހެކިތަކެއް ނައްތާލަން ކޮށްފައިވާ ކަމެއް ކަމުގެ ތުހުމަތުކޮށް، ސޯޝަލް މީޑިއާގައި ފާޑުކިޔަމުން ދަނިކޮށް ޑރ މުއިއްޒު ކުރެއްވި ޓުވީޓެއްގައި ވިދާޅުވީ، ސޯޝަލް މީޑިއާގައި އާއްމުކޮށްފައިވާ ފޮޓޯ އިން ފެންނަނީ، 2005 ގައި ހައުސިން މިނިސްޓްރީން ހިންގި ސްކީމެއްގެ ފޯމުތަކެއް ކަމަށާއި މި ސަރުކާރުގެ ބޯހިޔާވަހިކަމުގެ މަޝްރޫއަކަށް ހުށަހެޅި ފޯމެއް އޭގެ ތެރޭގައި ނުހިމެނޭނެ ކަމަށެވެ. އަދި މި ސަރުކާރުން ހިންގި ސްކީމްގެ ހުރިހާ ފޯމުތަކެއް ވާނީ ރައްކާކުރެވި، ސްކޭންކޮށް ޑިޖިޓައިޒް ކޮށްފައި ކަމަށް މުއިއްޒު ވިދާޅުވި އެވެ.
Photo in fennanee 2005 aharuge Ministry of Housing and Urban Development in hingi scheme egge form thakeh. Mi alifaanuge haadhisaa thahqeeq kurumah @PoliceMv aa vanee havaalukoffai. Misarukaarun hingi scheme ge hurihaa form thakeh vanee rakkaakurevi, scan koh digitise koffai. pic.twitter.com/bgv8wfdyJD
— Dr.Mohamed Muizzu (@MMuizzu) March 28, 2018
އެޓްވީޓްގައި މުއިއްޒު ވިދާޅުވީ ވިލިމާލޭގެ ގުދަނުގައި ހިނގި އަލިފާނުގެ ހާދިސާގެ މައްސަލަ ތަހުގީގުކުރަން މިހާރު ވަނީ ފުލުހުންނާ ހަވާލުކޮށްފައި ކަމަށެވެ.
