ކުއްލި ނުރައްކަލުގެ ޙާލަތު އުވާލުމަކީ ހައްޤުތައް ރައްކާތެރިކުރުމުގެ ފުރަތަމަ ފިޔަވަޅަށް ވާން ޖެހޭކަމަށް ވިލާތުގެ އިއްތިޙާދުން ބުނެފިއެވެ.
ފެބްރުއަރީ މަހުގެ 5 ވަނަ ދުވަހުގެރޭ އިއުލާންކުރި ކުއްލި ނުރައްކަލުގެ ޙާލަތު 44 ދުވަހާއި 16 ގަޑިއިރު ފަހުން އުވާލުމާއި ގުޅިގެން ވިލާތުގެ އިއްތިޙާދުން ބުނީ ޤާނޫނުގެ ވެރިކަމަށް އިހްތިރާމްކޮށް، އިންސާނީ ހައްޤުތަކާއި އަސާސީ ހައްޤުތަކަށް ރާއްޖެއިން އިހްތިރާމްކުރަން ޖެހޭނެކަމަށެވެ. އެ ހައްޤުތަކުގެ ތެރޭގައި ޚިޔާލު ފާޅުކުރުމުގެ މިނިވަންކަމާއި، އިންސާފުވެރި ޝަރީޢަތެއް ލިބުމުގެ ހައްޤު ހިމެނޭކަމަށް އެޖަމާޢަތުން ބުންޏެވެ.
The lifting of the State of Emergency needs to be the first step in restoring all constitutionally guaranteed rights, including respect for the rule of law, and protection of human rights and fundamental freedoms, including the freedom of expression and the right to fair trial.
— EU to the Maldives (@EU_Maldives) March 23, 2018
މީގެ އިތުރުން ސިޔާސީ ހައްޔަރީން، ޚާއްސަކޮށް ކުއްލި ނުރައްކަލުގެ ޙާލަތުގެ މުއްދަތުގައި ހައްޔަރުކުރެވުނު ފަރާތްތައް ދޫކޮށްލުމަށް ވިލާތުގެ އިއްތިޙާދުން ގޮވާލާފައިވެއެވެ. ހަމައެއާއިއެކު ރައްޔިތުންގެ މަޖިލީހުގެ މަސައްކަތްތަކަށާއި ފަނޑިޔާރުގޭގެ މަސައްކަތްތައް ހުރަސް ނޭޅުމަށާއި ނުފޫޒު ނުފޯރުވުމަށް ވިލާތުގެ އިއްތިޙާދުން ގޮވާލާ ގޮވާލުން، ކޮޅުނބުގައި ހުންނަ ވިލާތުގެ އިއްތިޙާދުގެ އޮފީހުން ވަނީ ތަކުރާރުކޮށްފައެވެ.
The government must release all political prisoners, including those detained under Emergency regulations, and stop interfering in the work of the Majlis and the judiciary.
— EU to the Maldives (@EU_Maldives) March 23, 2018
ވިލާތުގެ އިއްތިޙާދުން، ދިވެހި ސަރުކާރަށް ސިޔާސީ ހައްޔަރީން ދޫކޮށްލުމަށް ގޮވާލާފައިމިވަނީ ސިޔާސީ ހައްޔަރީން މިނިވަންކުރުންވެސް ހިމެނޭ ގޮތަށް އެއިއްތިޙާދުން ދިވެހި ސަރުކާރަށް ގޮވާލާފައިވާ އިސްލާހީ ފިޔަވަޅުތައް ނާޅައިފިނަމަ، ރާއްޖެއާއި މެދު ދަތިކުރުމުގެ ފިޔަވަޅު އަޅާނެކަމުގެ އިންޒާރު ވިލާތުގެ އިއްތިޙާދުން ދީފައިވަނިކޮށެވެ.
އަދި ސަރުކާރުގައި އިސްކޮށް ތިއްބެވި ފަރާތްތަކަށާއި، އިންސާނީ ހައްޤުތަކަށް އަރައިގަތުމުގައި ބައިވެރިވާ ފަރާތްތަކާއިމެދު ދަތިކުރުމުގެ ފިޔަވަޅު އެޅުމަށް ވިލާތުގެ އިއްތިޙާދުގެ ކައުންސިލަށް ގޮވާލައި، އެޖަމާޢަތުގެ ޤާނޫނު ހަދާ މަޖިލީހުން ޤަރާރެއް ފާސްކޮށްފައިވަނިކޮށެވެ.
