ކައުންސިލަރުން މަދަނީ ބަސްނޭހުމަކަށް ދިއުމަށް އިބުރާ ގޮވާލައްވައިފިއެެވެ.
އެމްޑިޕީގެ ފުރަތަމަ ރައީސް އިބްރާހިމް އިސްމާއިލް ހޯމަ ދުވަހު ކުރެއްވި ޓްވީޓެއްގައި ވިދާޅުވީ، ސަސްޕެންޑް ކުރާ ކައުންސިލްތަކުގެ މެންބަރުން ސަސްޕެންޑް ވެގެން ތިއްބަވާނެކަމެއް ނެތްކަމަށެވެ.
Suspend kuraa Council thakuge memberun suspend vegen thibeyne kameh neiy. Baraabarah nukume, rayyithun kaleymen inthikhaabukoh havaalu kuri masakkaiy kuranvee.
— Ibra (@ibramandhu) March 19, 2018
Mee #MadhaneeBasneyhun@HassanLatheef
އިބުރާ އެ ކައުންސިލް ތަކަށް ގޮވާލެއްވީ، ސަސްޕެންޑް ކޮށްފައި އޮތަސް ބަރާބަރަށް އޮފީހަށް ނުކުތުމަށެެވެ.
"ބަރާބަރަށް ނުކުމެ ރައްޔިތުން ކަލޭމެން އިންތިޚާބުކޮށް ހަވާލުކުރި މަސައްކަތް ކުރަންވީ. މީ މަދަނީ ބަސްނޭހުން" އިބްރާ ވިދާޅުވިއެވެ.
އިބްރާ މިގޮތަށް ގޮވާލައްވާފައި މި ވަނީ، ސުޕްރީމް ކޯޓުން އެކެއް ފެބުރުއަރީގައި ނެރުނު ހުކުމް ތަންފީޒު ކުރުމަށް ގޮވާލައި ނެރުނު ޤަރާރުތަކާއި ގުޅިގެން ގިނަ އަދަދެއްގެ ކައުންސިލްތަކުގެ ކައުންސިލަރުންތަކެއް ލޯކަލް ގަވަރުމެންޓް އޮތޯރިޓީން ސަސްޕެންޑް ކުރަމުންދާ ދަނޑިވަޅެއްގައެވެ.
