ރާއްޖެޓީވީގެ މުވައްޒަފުން މިނިވަން ކުރުމަށް ކޮމިޓީ ޓު ޕްރޮޓެކްޓް ޖަރނަލިސްޓްސް (ސީޕީޖޭ) އިން ގޮވާލައިފިއެވެ.
ހުކުރު ދުވަހު އެ ޖަމިއްޔާ އިން ކުރި ޓުވީޓެއްގައި ބުނެފައިވަނީ ފުލުހުން ހައްޔަރުކުރި އެންމެން އެއްވެސް ޝަރުތަކާ ނުލާ ދޫކޮށްލުމަށް ރާއްޖޭގެ ކަމާބެހޭ މުއައްސަސާތަކަށް ގޮވާލާކަމަށެވެ.
CPJ called on Maldivian authorities to immediately release three @Raajje_tv journalists who, according to their pro-opposition station, were detained on Friday over their coverage of anti-government protests in the capital, #Malé. #Maldives
— CPJ (@pressfreedom) March 16, 2018
ސީޕީޖޭ އިން އިތުރަށް ބުނީ އެންމެހާ ރައްޔިތުންނަށް ހިޔާލުފާޅު ކުރުމުގެ މިނިވަންކަން ދިވެހި ސަރުކާރުން ދޭންޖެހޭނެ ކަމަށާއި އެއްވުންތައް ކަވަރު ކުރަން މީޑިއާތަކުން މަސައްކަތް ކުރުމުން ދިވެހި ފުލުހުންނާއި ސިފައިން ބޭނުންކޮށްގެން އެކަން ހުއްޓުވުމަށް ސަރުކާރުން މަސައްކަތް ނުކުރުމަށް ގޮވާލާ ކަމަށެވެ.
"The government in the #Maldives must respect the constitutional rights of all citizens to freedom of speech and stop using the police to censor coverage of protests. Police must immediately and unconditionally release the three @Raajje_tv journalists." @RobertMMahoney
— CPJ (@pressfreedom) March 16, 2018
ނޫސްވެރިޔާ މުހައްމަދު ފަޒީން މުޒާހަރާ ކަވަރު ކުރުމުގައި ހަރަކާތްތެރިވަނިކޮށް ހައްޔަރުކޮށްފައިވާއިރު ނޫސްވެރިޔާ މުހައްމަދު ވިސާމް ފުލުހުން ހައްޔަރުކުރީ ކޮން ސަރަހައްދަކުން ކަމެއް ސާފެއް ނުވެއެވެ. ރާޢްޖެޓީވީގެ ހެޑް އޮފް ޕްރޮގްރާމްސް، އާމިރު ސަލީމް ހައްޔަރުކޮށްފައި ވަނީ ރާއްޖެޓީވީ އިމާރަތް ކައިރިންނެވެ. އޮފީސް ދޮރުމަތީގައި ހުއްޓައި ފުލުހުން ވަނީ އާމިރާ ސުވާލުކޮށް އައިޑީކާޑު ދެއްކުމަށް އަންގާފައެވެ. އަދި އައިޑީކާޑު ދެއްކުމުން ކޯޓު އަމުރެއްގެ ދަށުން ކަމަށް ބުނެ އާމިރު ވަނީ ހައްޔަރުކޮށްފައެވެ.
