ރާއްޖޭގައި އިންސާފު ގާއިމުކޮށް ޑިމޮކްރަސީ އަނބުރާ ގެނައުމަށް އެންމެން ނުކުންނެވުމަށް ކުރީގެ ރައީސް މުހައްމަދު ނަޝީދު ގޮވާލައްވައިފިއެވެ.
ރައީސް ނަޝީދު ކުރެއްވި ޓްވީޓެއްގައި ވަނީ ގައުމެއްގެ ހަޔާތުގައި ހިނދުކޮޅުތަކެއް އަންނާނެ ކަމަށާއި އެއީ ގައުމު އެއް ހާލަތުން އަނެއް ހާލަތަށް ފުރޮޅިގެންދާ ހާލަތު ކަމަށެވެ. މިއަދު ގައުމު އެދި ގޮވަނީ އިސްލާމް ދީނުގެ މަތިވެރި އުސޫލުތައް ބަޔާންކުރާ ކަރާމާތްތެރި އިންސާނީ ހައްގުތައް ރައްކާތެރިކަށް އިންސާފު ގާއިމުކޮށް ޑިމޮކްރަސީ އަނބުރާ ގެނައުމަށް ކަމަށް ރައީސް ނަޝީދުގެ ޓްވީޓުގައިވެއެވެ.
Qawmehge hayathuga anaane hin’dhukolhu thakeh;e qawm eh haalathun aneh haalathah furolhigendha. Miadhu mi Dheebu e govanee nukuthumah.Islam dheenuge mathiveri usoolthah bayankura karaamaitheri insaanage haqqu rakkatherikoh,insaaf qaaimkoh,democracy anbura genaumah enmen nukunavaa
— Mohamed Nasheed (@MohamedNasheed) March 16, 2018
ރައީސް ނަޝީދު މިހެން ގޮވާލައްވާފައިވާއިރު މިރޭ މާލޭގައި "ހުއްޓުވާ" ނަމުގައި ބޮޑު އިހުތިޖާޖެއް ކުރިޔަށް ގެންދިޔުމަށް އިދިކޮޅު ފަރާތްތަކުން ވަނީ ނިންމާފައެވެ. މި ސުލްހަވެރި އިހުތިޖާޖު ކުރިއަށްގެންދިޔުމަށް ނިންމާފައިވަނީ މަޖީދީ މަގާއި ޗާންދަނީ މަގު ގުޅޭ ކަންމަތީގައެވެ.
