އިދިކޮޅު އެއްވުމަށް ނުކުންނަނީ އިސްލާމްދީނުގެ އަދުއްވުން ކަމަށް، ޕީޕީއެމްގެ ނައިބް ލީޑަރު އަބްދުއްރަހީމް ވިދާޅުވުމާއި ގުޅިގެން އެ ވާހަކަތަކަށް ދީނީ އިލްމްވެރިން ފާޑުވިދާޅުވެއްޖެ އެވެ.
އިދިކޮޅު އެއްވުމަށް ނުކުންނަނީ އިސްލާމްދީނުގެ އަދުއްވުން ކަމަށް ޕީޕިއެމްގެ ނައިބް ލީޑަރު އަބްދުއްރަހީމް އަބްދުﷲ ވިދާޅުވެފައިވަނިކޮށް، މަޝްއޫރު ދީނީ އިލްމްވެރިޔާ ޑރ. އިޔާޒް ކުރެއްވި ޓުވީޓެއްގައި ވިދާޅުވީ ގެއްލިފައިވާ ހައްޤުތައް ހޯދުމަށް ދީނީ މިންގަޑުތަކުން ބޭރު ނުވާގޮތަށް ކުރާ މަސައްކަތަކީ އިސްލާމް ދީނާއި ދެކޮޅުވުންކަމަށް ނުބުނެވޭނެ ކަމަށެވެ. އެގެއިތުރުން ޑރ. އިޔާޒް ކުރައްވާފައިވާ އިތުރު ޓުވީޓެއްގައި ވިދާޅުވެފައިވަނީ ވައްކަންކުރުމާއި އަމާނާތަށް ހިޔާނަތްތެރިވުމާއި އަނިޔާވެރިކަމަކީ އިސްލާމް ދީނުގައި ހަރާމް ކުރައްވާފައިވާކަންކަމަށެވެ.
Gellifaivaa hagguthah hoadhumah Dheenee mingandu thakun beyru nuvaa gothah kuraa masakkathaky Islam Dheenaai dhekolhu vumekey nubuneveyne.
— Dr Mohamed Iyaz (@dr_iyaz) March 16, 2018
Vakkan kurumaai, Amaanaathah khiyaanaaiytheri vumaai, Aniyaaveri kamaky Islam Dheenugai Haraam kuravvaafaivaa kanthakeve.
— Dr Mohamed Iyaz (@dr_iyaz) March 16, 2018
އޭގެއިތުރުން މަޝްއޫރު ދީނީ އިލްމުވެރިޔާ ޝެއިހު އަލީ ޒައިދު ކުރެއްވި ޓުވީޓެއްގައި ވިދާޅުވީ ފަރުޟު ފަސް ނަމާދާއި، ރޯދަޔާއި ޝާހަދަތުގެ ދެ ކަލިމައިގެ މަތީގައި ތިބި ގިނަ ބަޔަކަށް ވަކިކަމަކާއި ގުޅުވައި އެއީ އިސްލާމް ދީނުގެ އަދުއްވުންނޭ މުހާތަބުކުރުމަކީ ވަރަށް ދެރަކަމެއް ކަމަށެވެ. އަދި ފާޅުވެގެންވާ ކުފުރެއް ނުފެންނަހާ ހިނދަކު މުސްލިމަކާއި ދިމާލަށް ކާފަރެކޭ ނުބުނެވޭނެކަމަށް ޝައިހު ވިދާޅުވި އެވެ.
Farulu 5 namaadhaa roadhayaa shahaadhathuge 2 kalimaige mathee thibi gina bayakah, vaki kamakaa gulhuvai "eiy islam dheenuge adhuhvunney" mifadhain mukhaathab kurumakee v dherakameh! Muslim akaa dhimaalah kaafarekey nubuneveyne! Faalhuvegen vaa kufreh nufennahaa hindhaku.
— Sheikh Ali Zaid (@alizaid1000) March 16, 2018
ޕީޕީއެމްއިން ބޭއްވި ނޫސްވެރިންގެ ބައްދަލުވުމުގައި އަބްދުއްރަހީމް ވިދާޅުވީ އިސްލާމްދީން ދެކެ ލޯބިވާ ބަޔަކު އިދިކޮޅު ފަރާތްތަކާ އެކު ނުތިބޭނެ ކަމަށެވެ. އިދިކޮޅުގެ އެއްވުންތަކުގައި ބައިވެރިވަނީ އިސްލާމްދީނާ ދެކޮޅު މީހުން ކަމަށް ވެސް އޭނާ ވިދާޅުވި އެވެ.
