ރައީސް ޔާމީން ފިޔަވައި ސަރުކާރުގައި ތިއްބެވި އެންމެންނަކީ އެކުވެރިން ކަމަށާއި އޮޑި އަޑިއަށްދާ އިރު ރިޔާ ދަށު ނުވެ އަވަހަށް ސަރުކާރުން ނުކުތުމަށް ކުރީގެ ނާއިބު ރައީސް އަހުމަދު އަދީބު ވިދާޅުވެއްޖެއެވެ.
މިވަގުތު ވެސް ޖަލުގައި އޮންނެވި ޢަދީބުގެ ޤާނޫނީ ވަކީލް މޫސާ ސިރާޖް ކުރެއްވި ޓްވީޓެއްގައި ވިދާޅުވީ ރައީސް ޔާމީން ފިޔަވައި ސަރުކާރުގައި ތިއްބެވި އެންމެންނަކީ އަހުމަދު އަދީބުގެ އެކުވެރިން ކަމަށް އަދީބު ވިދާޅުވި ކަމަށެވެ. އަދި ކައްޕިއާ އެކީ އޮޑި އަޑިޔަށްދާއިރު ރިޔާދަށު ނުވެ ސަރުކާރުން ނިކުތުމަށް އަދީބު ގޮވާލައްވާ ކަމަށެވެ. މީގެ އިތުރުން "އުފާވެރިކަން އޮތީ މިކޮޅުގައި" ކަމަށް ވެސް ޓްވީޓްގައި ވިދާޅުވެފައި ވެއެވެ.
Raees Yameen fiyava sarukaaruga thihbevi emmen akee @Ahmed_Adeeb ge ekuverin kamah Adeeb vidhaalhuvi adhi Kappi aa ekee odi adiyah dhaairu riyaa dhashu nuve sarukaarun nikuthumah Adeeb gowaala.
— Moosa Siraj (@MoosesSiraj) March 14, 2018
⁰“Ufaaverikan othee mikolhuga"
އަދީބާ ހަވާލާ ދެއްވައި ސިރާޖް މިހެން ވިދާޅުވެފައި މިވަނީ ރައީސް ޔާމީންގެ ވެރިކަން ނިމެނީ ކަމަށާއި ގަދަކޮށް ހިފަހައްޓާލުމަށް މިވަގުތު ޖަލުގައި އޮންނެވި ދިއްގަރު ދާއިރާގެ މެންބަރު އަހްމަދު ފާރިސް މައުމޫން ވިދާޅުވެފައި ވަނިކޮށެވެ. އަދި "ހަމަ ކަށަވަރުން ވެސް ނިމޭނެ ކަމަށް" ކުރީގެ ރައީސް މުހައްމަދު ނަޝީދު ވެސް ވިދާޅުވެފައި ވަނިކޮށެވެ.
