ފިޝަރީސް މިނިސްޓަރ އަދި ސިޔާސީ ޕާޓީތަކުގެ މަޝްވަރާތަކުގެ ޗެއަރމަން ޑރ މުހައްމަދު ޝައިނީ ދެއްކެވި ވާހަކައިން އެނގެނީ މަޝްވަރާއެއް ނުހިނގާކަން ކަމަށް ކުރީގެ ބަންޑާރަ ނައިބު އަދި މަޝްހޫރު ގާނޫނީ ވަކީލު ފާތިމަތު ދިޔާނާ ސައީދު ވިދާޅުވެއްޖެއެވެ.
ދިޔާނާ ކުރެއްވި ޓްވީޓެއްގައި ވިދާޅުވީ ސަރުކާރާއެކު އެއްވެސް ސިއްރު މަޝްވަރާއެއް ކުރެވިއްޖެނަމަ އޭގެ ކޮންފިޑެންޝިއަލިޓީ އެ ސަރުކާރަކުން ހިފަހައްޓަންޖެހޭނެ ކަމަށާއި މި ބާވަތުގެ ވާހަކައިން އެނގެނީ މަޝްވަރާއެއް ނުހިންގާކަން ކަމަށެވެ. އެހެން ނޫނީ ގޮތް ހުސްވެ ކޮޅުބެދި ހަދާނެ ހުރިހާ ގޮތެއް ހުސްވީމަ ހޮޅި ވާހަކަ ދައްކަނީކަމަށް ދިޔާނާ ވިދާޅުވިއެވެ.
Sarukaarakaaeku evves sirru mashvaraaeh kurevijjenama eyge confidentiality e sarukaarakun hifahattanjeheyne. Mi baavathuge vaahakain engenee mashvaraa eh nuhingaakan; ehen noonee goiy hussve kolhubedhi hadhaane hurihaa gotheh hussveema holhi vaahaka dhakkaneekan. pic.twitter.com/l3I1qGqJ1m
— Dhiyana (@dhiyanasaid) March 12, 2018
ރައީސް އޮފީހުގައި ބޭއްވި ޕްރެސް ކޮންޕްރެންސްގައި ވާހަކަދައްކަވަމުން މިނިސްޓަރ ޝައިނީ ވިދާޅުވީ، ސިޔާސީ ޕާޓީތަކުގެ މަޝްވަރާތަކުގައި، އދ އިން ބައިވެރިނުކުރާނެކަން މީގެ ކުރިން ހާމަކޮށްފައި ނުވާނެ ކަމަށާއި މަޝްވަރާތައް އދ އާއި އެކު ކުރިއަށް ގެންދިއުމަށް ސަރުކާރުން ތައްޔާރަށް އޮތް ކަމަށެވެ.
ޝައިނީ ވިދާޅުވީ، އިދިކޮޅު ފަރާތްތަކުން ޝަރުތުތަކެއް ކަނޑައަޅައިގެން މަޝްވަރާތަކެއް ކުރުމަށް ގޮވާލާފައިވާ އިރު ސަރުކާރަށް ބާރު ނުފޯރުވޭ ކަންކަން ޝަރުތުތަކެއްގެ ގޮތުގައި ކަނޑައެޅި ނަމަވެސް އެކަންކަން ނުކޮށްދެވޭނެ ކަމަށެވެ. އެގޮތުން ކޯޓުތަކުން ނިންމާފައިވާ ނިންމުންތަކަށް ސަރުކާރަށް ބަދަލު ނުކުރެވޭނެ ކަމަށް އޭނާ ވިދާޅުވިއެވެ.
