ށ. ބިލަތްފަހީގައި އެމްޑީޕީން ނަގާފައިވާ ބޮޑު ދިދަ ފުލުހުން ގޮސް ތިރި ކޮށްފިއެވެ.
އެމްޑީޕީއަށް ނިސްބަތްވާ ބިލަތްފަހި ކައުންސިލް މެމްބަރު އަހުމަދު ނާފިޒް "ރާއްޖެއެމްވީ"އަށް ވިދާޅުވީ އެރަށަށް ފުލުހުން އައިސް އެމްޑީޕީގެ ބޮޑު ދިދަ ނެގުމުގެ މަސައްކަތް އާދިއްތަ ދުވަހުގެ މެންދުރު ކުރަންފެށި ކަމަށެވެ.
އޭނާ ވިދާޅުވީ އެ ދިދަ ނަގާފައިވަނީ އެ ރަށު ވަލުތެރޭގައި ރަތްނިކަ ގަހެއްގެ އެންމެ އުހަށް ކަމަށެވެ.
MDP Bileffahi bodu dhidha hayyaru kohlan 15 varakah polihun aiss adhi hama hayyaru kurevey gotheh nuvey! pic.twitter.com/TZXNh02jwP
— MDP Bileffahi (@MDPBilehfahi) March 12, 2018
ސޯސަލް މީޑިއާގައި ފެތުރެމުުންދާ ފޮޓޯތަކުން އެނގޭ ގޮތުގައި ފުލުހުންގެ ބަޔަކުވަނީ އެސަރަހައްދަށް ގޮސް ގަސްތަކަށް އަރައި އެ ދިދަ ތިރިކުރުމ،ުގެ މަސައްކަތް ކޮށްފައެވެ.
ނާފިޒު ވިދާޅުވީ އެދިދަ ނެގީ މިދިއަ ހުކުރު ދުވަހު ކަމަށެވެ.
Mi fikureh mi raajje akun dheneh nufoheveyne!
— MDP Bileffahi (@MDPBilehfahi) March 9, 2018
MDP bileffahi bodu dhidha. pic.twitter.com/wWn6LaRwPt
ފުލުހުން ދަނީ ރާއްޖޭގެ އެކި ރަށްރަށުގައި ނަގާފައިވާ އެެމްޑީޕީގެ ބޮޑު ދިދަތައް ތިރިކުރަމުންނެވެ. އެގޮތުން އއ. އުކުޅަހާއި ހދ. ކުޅުދުއްފުއްޓާއި ށ. ކަނޑިތީމާއި އަދި ނ. މަނަދޫގައި ހުރި އެމްޑީޕީގެ ބޮޑު ދިދަ ފުލުހުން ގޮސް ތިރިކޮށްފައިވާއިރު، ގދ. ތިނަދޫގައި ހުރި އެމްޑީޕީގެ ބޮޑު ދިދަ ތިރިކުރަން ވަނީ އަންގާފަ އެވެ.
