އިއްޒުއްދީން މަގު، ފުޅާކޮށް އެ މަގުގައި ތާރު އެޅުމަށް ފަހު އޭޕްރީލް މަހު ހުޅުވަން ނިންމައިފިއެވެ.
ތާރުއެޅުމުގެ މަސައްކަތް މިހާރު ވެސް ކުރިއަށްދާ އިއްޒުންދީން މަގުގެ މަސައްކަތްތަކާއި ގުޅޭ ގޮތުން ހައުސިންގ މިނިސްޓަރ ޑރ. މުހައްމަދު މުއިއްޒު ހޮނިހިރު ދުވަހު ކުރެއްވި ޓްވީޓެއްގައި ވިދާޅުވީ އިއްޒުއްދީން މަގާއި އަމީނީ މަގު ގުޅުނު ހިސާބުން ފެށިގެން އިންޑަސްޓްރިއަލް ވިލެޖާއި ހަމައަށް މަގު ފުޅާކޮށް ތާރު އެޅުމުގެ މަސައްކަތް އަންނަ މަހު އެއްކޮށް ނިންމާލައި އެ މަގު ހުޅުވާލެވޭނެ ކަމަށެވެ.
Izzuddeen Magu/Ameenee Magaa gulhunu hisaabun MIV aahamayah magu fulhaakoh, thaaru elhumuge masakkai kuriyah dhanee: April mahu ekkoh nimi magu aammukoh hulhuvaaleveyne IA. pic.twitter.com/uNrWwJv0H7
— Dr.Mohamed Muizzu (@MMuizzu) March 10, 2018
މީގެ އިތުރުން މިނިސްޓަރ މުއިއްޒު ވަނީ އިންޑަސްޓްރިއަލް ވިލެޖާއި މާލެ ހުޅުލެ ގުޅުވާ ބްރިޖާއި ގުޅިފައިވާ މަގުތަކުގައި ތާރު އެޅުމުގެ މަސައްކަތް ކުރިއަށް އޮތް އެއް މަސް ދުވަހުގެ ތެރޭގައި ފަށާނެ ކަން ހާމަކުރައްވާފައެވެ.
އިއްޒުއްދީންމަގުގެ ބައެއް ސަރަހައްދުތަށް ބަންދުކޮށް އެމަގުގައި ތާރުއެޅުމުގެ މަސައްކަތް ފަށާފައި ވަނީ މިދިޔަ އަހަރުގެ ފަހުކޮޅުގައެވެ. އެ މަގާ އިންވެގެން ހާބަރު ސަރަހައްދުގައި ހަދާ ފުޑްކޯޓުތައް ވެސް ރޯދަމަހުގެ ކުރިން ހުޅުވުމަށް ދަނީ މަސައްކަތް ކުރަމުންނެވެ.