ކުރީގެ ރައީސް މައުމޫން އަބްދުލްޤައްޔޫމް މާފުށީ ޖަލަށް ބަދަލުކުރެވިފައިވާއިރު، އެތަނުގައި އެކަށީގެންވާ ސިއްހީ ފަރުވާ ލިބޭނެ އިންތިޒާމް ހަމަޖެހިފައި ނުވާތީ ގިނަ ބަޔަކު ކަންބޮޑުވުން ފާޅުކުރަމުން އެބަދެއެވެ.
ރައީސް މައުމޫން މާފުށީ ޖަލަށް ބަދަލުކުރެވުނުއިރު، އެމަނިކުފާނު ހުންނެވީ ހުން އައިސްފައި ކަމަށް ކިނބިދޫ ދާއިރާގެ މެމްބަރު އަބްދުﷲ ރިޔާޒް ވިދާޅުވިއެވެ. އަދި އެކަށީގެންވާ ބޭސްފަރުވާ ނެތް ޖަލަކަށް އެމަނިކުފާނު ބަދަލުކުރެވުނީ ފުރާނައަށް ނުރައްކާކުރަން ކަމަށް ނުވާނެ ކަމަށް އުއްމީދުކުރައްވާ ކަމަށް ރިޔާޒް ކުރެއްވި ޓްވީޓްގައި ވިދާޅުވިއެވެ.
President @maumoonagayoom was having high fever yesterday, last night he was transfered to Maafushi, a prison with limited medical facility! I hope this is not a deliberate act to threaten his life! He is innocent and he must be freed! Urge enforcement agencies to act within law! https://t.co/Q12gjqoWIH
— Abdulla Riyaz MP (@riyazabdulla) February 9, 2018
ރައީސް މައުމޫނު ފެކްޝަނުގައި މަސައްކަތްކުރައްވާ އާމިނަތު ނާދިރާ ކުރެއްވި ޓްވީޓެއްގައި، ވެސް މާފުށީ ޖަލުގައި ސިއްހީ ފަރުވާގެ ކަންކަން ދޯދިޔާކަން ފާހަގަކުރައްވާފައިވެއެވެ. އަދި އެކަމުގެ ސަބަބުން އެތައް ބައެއްގެ ފުރާނަ ގެއްލިފައިވާކަން ވެސް ނާދިރާ ފާހަގަކުރެއްވިއެވެ.
We are concerned when authorities transfered President @maumoonagayoom to Maafushi jail yesterday. Maafushi Jail is not equipped with proper medical facilities. People serving sentence lost their lives due to this. @JamesDauris @USAmbKeshap @EU_Maldives @UNHumanRights @Reuters pic.twitter.com/yySGlWErN8
— aminath nadira (@a_nadraa) February 9, 2018
މީގެ އިތުރުން ރައީސް މައުމޫންގެ ދަރިކަނބަލުން، އަދި އިދިކޮޅު ޙަރަކާތުގައި އެންމެ އިސްކޮށް އުޅުއްވާ އެއް ބޭފުޅާ ކަމަށްވާ ޔުމްނާ މައުމޫން ވެސް ވަނީ އެކަށީގެންވާ ބޭސްފަރުވާ ޖަލަކަށް މައުމޫން ބަދަލުކުރެވި ކަމަށް ވިދާޅުވެ، އެކަމާ ކަންބޮޑުވުން ފާޅުކުރައްވާފައެވެ. ޔުމްނާ ކަންބޮޑުވުން ފާޅުކުރައްވައި ޓްވީޓްކުރެއްވި އިރު، އެކަމަނާގެ ބައްޕާފުޅު މައުމޫންގެ އިތުރުން އެކަމަނާގެ ފިރިކަލުން އަހުމަދު ނަދީމާއި ބޭބޭފުޅު ފާރިސް މައުމޫން ވެސް ވަނީ ހައްޔަރުކުރެވިފައެވެ. މިތިން ބޭފުޅުން ވެސް ހައްޔަރުކޮށްފައި ވަނީ ރިޝްވަތުދިނުމާއި ސަރުކާރު ވައްޓާލަން އުޅުނުކަމުގެ ތުހުމަތުގައެވެ.
I am very concerned that my father @maumoonagayoom was taken to Maafushi prison. The place has no proper medical facilities. @UNHumanRights @amnesty @UNHumanRights @USAmbKeshap @JamesDauris @EU_Maldives @AkhileshIFS @AusHCSriLanka @CanHCSriLanka
— Yumna Maumoon (@yumna_maumoon) February 9, 2018
ރައީސް މައުމޫނާއި ނަދީމް ހައްޔަރުކޮށްފައިވަނީ ކުއްލި ނުރައްކަލުގެ ޙާލަތުގައި، ސަލާމަތީ ޚިދުމަތްތަކަށް ދީފައިވާ ބާރުތަކުގެ ދަށުން ކޯޓު އަމުރަކާ ނުލައެވެ. އެ ދެ ބޭފުޅުން ހައްޔަރުކޮށްފައިވަނީ ކުއްލި ނުރައްކަލުގެ ޙާލަތު އިއުލާން ކުރެވުނުތަނާހެން، މިމަހުގެ 5 ވަނަ ދުވަހުގެ ރެއެވެ. އަދި ރައީސް މައުމޫން ދޫނިދޫ އިން މާފުއްޓަށް ބަދަލުކުރެވުނީ މިމަހުގެ 8 ވަނަ ދުވަހުއެވެ.
ކުއްލި ނުރައްކަލުގެ ޙާލަތު އިއުލާންކުރެވުނު އިރު ވެސް ފާރިސް ހުންނެވީ ފުލުހުންގެ ބެލުމުގެ ދަށުގައެވެ. އަދި ކުއްލި ނުރައްކަލުގެ ޙާލަތު އިއުލާންކުރުމުގެ ކުރިން ފާރިސް މިނިވަންކުރުމަށް ކްރިމިނަލް ކޯޓުން ފުލުހުންގެ މައްޗަށް އަމުރު ވެސް ކުރިއެވެ. އެހެން ނަމަވެސް ޖެހިގެން އައި ފެބްރުއަރީ 6 ވަނަ ދުވަހުގެ ހެނދުނު ފާރިސް މިނިވަންކުރުމަށް ފަހު އަނެއްކާ ވެސް 8 ވަނަ ދުވަހުގެ ހަވީރު ފާރިސް ހައްޔަރުކޮށްގެން ވަނީ ގެންގޮސްފައެވެ.
ރައީސް މައުމޫން ވަނީ އެމަނިކުފާނު ކުށެއް ނުކުރައްވާކަމަށާއި، ސާބިތުކަމާ އެކު ހުންނެވި ކަމަށް، ހައްޔަރުކޮށްގެން ގެންދިޔުމުގެ ކުރިން ވިދާޅުވެފައެވެ.
