"ފިފްޓީ ޝޭޑްސް ފްރީޑް" ގެ ޓްރެއިލާ ނެރެފިއެވެ.
އަންނަ އަހަރުގެ ފެބްރުއަރީ މަހުގެ 9 ވަނަ ދުވަހު ނެރުމަށް ހަމަޖެހިފައިވާ "ފިފްޓީ ޝޭޑްސް ފްރީޑް" ގެ ފިލްމަކީ ލިޔުންތެރިޔާ އީއެލް. ޖޭމްސް ވާހަކައެއްގެ މައްޗަށް ބިނާކޮށް އުފައްދާ ފިލްމެކެވެ.
މިއީ "ފިފްޓީ ޝޭޑްސް" ފޮތްތަކުގެ މައްޗަށް ބިނާކޮށް އުފެއްދި މި ފިލްމް ފްރެންޗައިޒްގެ އެންމެ ފަހު ފިލްމެވެ. މީގެ ކުރިން ވަނީ "ފިފްޓީ ޝޭޑްސް އޮފް ގްރޭ" (2015)، އަދި "ފިފްޓީ ޝޭޑްސް އޮފް ޑާކާ" (2017)، ނެރެފައެވެ.
"ފިފްޓީ ޝޭޑްސް ފްރީޑް" ގައި ވެސް އުޅެނީ ކުރީ ދެ ފިލްމުން ފެނިގެންދިޔަ ޖޭމީ ޑޯނަން އާއި ޑަކޯޓާ ޖޯންސަންއެވެ. މި ޓްރެއިލާއިން ފެންނަ ގޮތުގައި ޖޭމީ ޑޯނަން އާއި ޑަކޯޓާ ޖޯންސަން ކައިވެނިކުރެއެވެ.
ލިޔުންތެރިޔާ އީއެލް. ޖޭމްސް ގެ "ފިފްޓީ ޝޭޑްސް" ގެ ވާހަކަ ފޮތްތައް ވެގެން ދިޔައީ އެމެރިކާގެ ނިއުޔޯކް ޓައިމްސްގެ ބެސްޓް ސެލާ ލިސްޓުގައި ހިމެނުނު ފޮތްތަކަށެވެ.
"ފިފްޓީ ޝޭޑްސް އޮފް ގްރޭ" އުފައްދާފައި ވަނީ 40 މިލިއަން ޑޮލަރުގެ ބަޖެޓަކުންނެވެ. އެ ފިލްމަށް ވަނީ 571 މިލިއަން ޑޮލަރު ލިބިފައެވެ.
އަދި "ފިފްޓީ ޝޭޑްސް އޮފް ޑާކަރ" އުފައްދާފައި ވަނީ 55 މިލިއަން ޑޮލަރުގެ ބަޖެޓަކުންނެވެ. އެފިލްމަށް ފައިދާގެ ގޮތުގައި ލިބިފައިވަނީ 381 މިލިއަން ޑޮލަރެވެ.
