މާލެ ސިޓީ އަންހެނުން ކޮމިޓީގެ މި އަހަރުގެ އެކްސްޕޯ އާޓިފިޝަލް ބީޗް ސަރަހައްދުގައި ހުކުރު ދުވަހު ފަށައިފިއެވެ.
"ވިމެން ފޯ ވިމެން" ގެ ނަމުގައި ކަނބަލުންނަށް ޚާއްސަކޮށްގެން މާލެސިޓީ އަންހެނުން ކޮމިޓީން މިފެށި އެކްސްޕޯ ހުކުރު ދުވަހުގެ ހަވީރު 4:00 އިން މިރޭ 11:00 އާ ހަމައަށް ކުރިއަށްދާނެ އެވެ.
ކުޑަކުދިންނަށް ވެސް ތަފާތު ކުޅިވަރުތަކާއިއެކު ކުރިއަށް ގެންދާ މި ހަރަކާތަކީ ކަނބަލުންގެ މަސައްކަތްތެރިކަމާއި ވިޔަފާރީގެ ތަކެތި ވިއްކުމުގެ ފުރުސަތު އެ ކަނބަލުންނަށް ދިނުމަށް ކުރިއަށް ގެންދާ ހަރަކާތެކެވެ. އެގޮތުން ހެޔޮ އަގުގައި ތަކެތި ވިއްކާ ސްޓޯލްތަކާއި، ހެދިކާއާއި ލުއި ބުއިންތަކާއި ވަގުތުން ތައްޔާރުކުރާ ކާނާގެ ބާވަތްތައް ވިއްކާ ސްޓޯލްތައް އެތަނުގައި ވަނީ ގާއިމްކުރެވިފައެވެ.
މާލޭގެ ތަފާތު އެންޖީއޯސްތަކާއި ބައެއް މިނިސްޓްރީތަކުންވެސް މި ހަރަކާތުގައި ބައިވެރިވެއެވެ. މާލެސިޓީ ކައުންސިލުން ބުނީ، މި ހަރަކާތުގެ ސަބަބުން އަންހެނުންނަށް އިތުރު ފުުރުސަތުތަކެއް ތަނަވަސް ވެގެންދާނެކަމަށެވެ.
