އާއިލާއަށް ފިލައިގެން އުޅޭ އުމުރުން 17 އަހަރުގެ އަންހެން ކުއްޖަކު ހޯދުމުގެ މަސައްކަތް ފުލުހުން ފަށައި، އެ ކުއްޖާ ހޯދުމަށް އިއުލާން ކޮށްފި އެވެ.

މި އޮކްޓޯބަރު މަހުގެ 27 ވަނަ ދުވަހުގެރޭ 00:20 ހާއިރު އާއިލާއަށް ފިލާފައިވާ ކަމަށް ފުލުހުންނަށް ރިޕޯޓް ކުރުމާ ގުޅިގެން ހޯދަމުންދަނީ މއ. އާހިޔާވިލާ، އާމިނަތު ޔާމިނާ (17އ) އެވެ.

ފުލުހުން ބުނީ އާމިނަތު ޔާމިނާއާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާ ނަމަ ފުލުހުންގެ ފެމިލީ އެންޑް ޗައިލް ޕްރޮޓެކްޝަން ޑިޕާޓްމަންޓްގެ ނަމްބަރު 3331510 ނުވަތަ 9790163 އަށް ގުޅުއްވައި ހިއްސާކުރުން އެދޭ ކަމަށެވެ.