އެޗްބީއޯއިން ދައްކަމުންދާ ސީރީޒް "ގޭމް އޮފް ތްރޯންސް" އިން ސަންސާ ސްޓާކްގެ ރޯލު ކުޅެމުން އަންނަ ސޯފީ ޓާނާ އާއި ޖޯއި ޖޯނަސް އެންގޭޖް ވެއްޖެއެވެ.
މި ދެ މީހުން ލޯބީގެ ގޮތުން ގުޅިފައި ވަނީ 2016 ވަނަ އަހަރުގައެވެ. ސޯފީ އޭނާގެ އިންސްޓަގްރާމަށް ލާފައިވާ ފޮޓޯގައި ބުނެފައިވަނީ އޭނާ ބުނީ އާނއެކޭ ކަމަށެވެ. ޖޯއި ޖޯނަސްއަކީ އެމެރިކާގެ ޕޮޕް ލަވަ ކިޔުންތެރިއެކެވެ.
މި ދެފަންނާނުން އެންގޭޖުވުމާ އެކުހެން ޖޯއިގެ ކޮއްކޮ ނިކް ޖޯނަސް ވަނީ ޓްވިޓާ މެދުވެރިކޮށް މަރުހަބާ ކިޔާފައެވެ.
ސޯފީ އާއި ޖޯއި އެންގޭޖްވިކަމުގައި ވީނަމަވެސް އަދި އެދެމީހުން ކައިވެނިކުރާނެ ދުވަހެއް ފައިނަލެއް ނުވެއެވެ.
ޖޯއިގެ އިތުރުން އޭނާގެ ދެ ކޮއްކޮ ކަމަށްވާ ނިކް އަދި ކެވިން ޖޯނަސްއަކީ ވެސް އެއްބަނޑު އެއްބަފާ ތިން ލަވަ ކިޔުންތެރިންނެވެ. އަދި 2005 ވަނަ އަހަރު އެ ތިން ބެއިން ވަނީ "ޖޯނަސް ބްރަދާސް"ގެ ނަމުގައި ބޭންޑެއް ހަދާފައެވެ. އެހެން ނަމަވެސް ފަހުން އެ ބޭންޑް އުވާލުމަށް ފަހު މިހާރު ޖޯއި މަސައްކަތް ކުރަނީ އެމެރިކާގެ ޑާންސް-ރޮކް ބޭންޑެއް ކަމަށްވާ "ޑީއެންސީއީ" ގައެވެ.
