މާފަރު ގެސްޓްހައުސް ކައިރީގައި މާރާމާރީއެއް ހިންގައި މީހަކު ޒަހަމްކޮށްލައިފިއެވެ.
ފުލުހުން ބުނީ މާފަރު ގެސްޓްހައުސް ގޯޅިތެރެއިން މާރާމާރީއެއް ހިންގައި އަނިޔާވި މީހަކު އައިޖީއެމްއެޗް އަށް ގެންގޮސްފައިވާ ކަމަށެވެ.
ފުލުހުން ބުނީ މާރާމާރީ ހިންގިކަމުގެ މައުލޫމާތު ރިޕޯޓްކުރީ ހޮނިހިރު ދުވަހުގެ ރޭ 21:22 ގައި ކަމަށެވެ.
އައިޖީއެމްއެޗްގެ މީޑިއާ އޮފިޝަލް ރާއްޖެއެމްވީ އަށް މައުލޫމާތު ދެމުން ވިދާޅުވީ، ޒަހަމްވި މީހަކު ހޮސްޕިޓަލަށް ގެނެސްފައިވާކަމަށާއި، އެހެންނަމަވެސް އެ މީހާގެ އެއްވެސް މައުލޫމާތެއް އަދި ނުލިބޭ ކަމަށެވެ.
