ރައްޔިތުންގެ މަޖިލިސް ކައިރީގައި ހުންނަ ޖީސިކްސް ކެފޭގައި އިން ޒުވާނަކަށް ވަޅިން ހަމަލާދީފިއެވެ.

ފުލުހުންގެ މީޑިއާ އޮފިޝަލް ވިދާޅުވީ، ޖީސިކްސް ގައި އިން ފިރިހެނަކަށް ތޫނު އެއްޗަކުން ހަމަލާދިން ކަމުގެ މަޢުލުމާތު ހުކުރު ދުވަހުގެރޭ 23:32 ހާއިރު  ލިބުމާއި ގުޅިގެން އެ ސަރަޙައްދުގައި ފުލުހުން ހަރަކާތްތެރި ވަމުންދާ ކަމަށެވެ.

މަޢުލޫމާތު ލިބިފައިވާ ގޮތުގައި އެ ޒުވާނާގެ ހަށިގަނޑުގެ 3 ތަނަކަށް ވަނީ ވަޅިން ހަމަލާދީފައެވެ.

އޭނާއަށް މިހާރު ދަނީ އޭޑިކޭ ހޮސްޕިޓަލްގައި ފަރުވާދެމުންނެވެ.

މައުލޫމާތު ލިބިފައިވާ ގޮތުގައި ހުކުރު ދުވަހުގެރޭ ހިނގި މާރަމާރީތަކާއި ގުޅިގެން ފުލުހުން ވަނީ މާލޭގެ ގެއެއް ބަލައި ފާސްކޮށްފައެވެ. ނަމަވެސް މިކަމާއިގުޅޭ އިތުރު ތަފްޞީލެއް އަދި ނުލިބެއެވެ.