ރާއްޖެއިން ޔޫއެން ވޯޓުގައި ބައިވެރި ނުވުމަކީ ލަދުވެތިކަމެއް ކަމަށް ކުރީގެ ރައީސް މައޫމުން އަބްދުލް ޤައްޔޫމް ވިދާޅުވެއްޖެ އެވެ.
ހޮނިހިރު ދުވަހު ރައީސް މައުމޫން ކުރެއްވި ޓުވީޓެއްގައި ވިދާޅުވީ މުޅި ދުނިޔެއިން ވެސް ރޮހިންޖާ މުސްލިމުންނާއެކު ތިބިކަން ސާބިތުކޮށްދިން ދަނޑިވަޅެއްގައި މުސްލިމް މި ދިވެހިރާއްޖެއިން ޔޫއެންގެ ވޯޓުގައި ބައިވެރިނުވުމަކީ ލަދުވެތިކަމެއް ކަމަށެވެ.
When there is a worldwide outpouring of support for Rohingya Muslims, what a shame that Muslim Maldives did not participate in the UN vote!
— Maumoon Abdul Gayoom (@maumoonagayoom) September 16, 2017
މިޔަންމާ ސަރުކާރުން ރޮހިންޖާ ނަސްލު ނައްތާލުމުގެ މަސައްކަތް ކުރަމުން ދަނިކޮށް، ނަސްލު ނައްތާލުމާއި ގަތުލު އާންމުތައް ހުއްޓުވުން އދ. ގެ ރަސްމީ އެޖެންޑާގައި ހިމެނުމަށް ނެގި ވޯޓަށް ރާއްޖެއިން ހާޒިރުވެފައިނުވާކަން ވަނީ ހާމަވެފައެވެ.
އދ. ގެ 72 ވަނަ ސެޝަންގެ ރަސްމީ އެޖެންޑާގައި "ގަތުލު އާންމާއި، ހަނގުރާމައިގެ ކުށްތަކާއި، ނަސްލު ނައްތާލުމާއި، އަދި އިންސާނިއްޔަތާ ދެކޮޅަށް ހިންގާ ކުށްތައް ހުއްޓުވުމާއި ރައްކާތެރިކުރުމުގައި ޒިންމާއަދާކުރުން" ގެ ނަމުގައި ސަޕްލިމެންޓްރީ އައިޓަމެއް ހިމެނުމަށް ހުކުރު ދުވަހު ވޯޓް ނެގި އިރު ޗެމްބަރުގައި ރާއްޖެއިން ހާޒިރުވެ ނެތްކަން ވޯޓްގެ ތަފްސީލް ޝީޓުންވެސް ވަނީ ހާމަވެ އެވެ.
އެ އައިޓަމް ރަސްމީ އެޖެންޑާގައި ހިމެނުމަށް ފާސްވީ 113 ގައުމެއްގެ ތާއީދާއެކު އެވެ. ރަސްމީ އެޖެންޑާގައި އައިޓަމް ހިމެނުމާ ދެކޮޅަށް 21 ގައުމަކުން ވޯޓް ދީފައިވެއެވެ. 17 ގައުމަކުން ވަކި ކޮޅަކަށް ވޯޓް ދީފައެއް ނުވެ އެވެ.
ރައީސް މައުމޫން ކުރެއްވި ޓުވީޓަށް ރައްދު ދެއްވާ ފިޝަރީޒް މިނިސްޓަރު ޑރ. މުހައްމަދު ޝައިނީ ކުރެއްވި ޓުވީޓެއްގައި ވިދާޅުވީ ރާއްޖޭގެ ވެރިކަން 40 އަހަރަށް ކުރެއްވި ބޭފުޅަކަށް ވެހުރެ، ޔޫއެންގައި ނެގިގެންދިޔަ ވޯޓަކީ ރޮހިންޖާ މުސްލިމުންނާ ގުޅުން ހުރި ވޯޓެއްކަން ރައީސް މައުމޫނަށް އެނގިވަޑައިނުގަންނަވާ ކަމަކީ ލަދުވެތިކަމެއް ކަމަށެވެ.
Its a shame that u @maumoonagayoom , who ruled Maldives for 40 years didn't understand tht the vote was not about Rohingya Muslims
— Mohamed Shainee (@mshainee) September 16, 2017
ޝައިނީގެ ޓުވީޓަށް ރައްދު ދެއްވާ ރައީސް މައުމޫން ކުރެއްވި އިތުރު ޓުވީޓެއްގައި ވިދާޅުވީ އދ. ގެ 72 ވަނަ ސެޝަންގެ ރަސްމީ އެޖެންޑާގައި "ގަތުލު އާންމާއި، ހަނގުރާމައިގެ ކުށްތަކާއި، ނަސްލު ނައްތާލުމާއި، އަދި އިންސާނިއްޔަތާ ދެކޮޅަށް ހިންގާ ކުށްތައް ހުއްޓުވުމާއި ރައްކާތެރިކުރުމުގައި ޒިންމާއަދާކުރުން" ގެ ނަމުގައި ސަޕްލިމެންޓްރީ އައިޓަމެއް ހިމެނުމަށް ނިންމުމަކީ ރޮހިންޖާ މުސްލިމުންނާއި ގުޅުން ހުރި ކަމެއް ކަމަށާއި މި ކަންތައް ސަރުކާރުގެ ބައެއް އިސްވެރިންނަށް އެނގިވަޑައިނުގަންނަވާ ކަމަކީ ލަދުވެތިވެ ވަޑައިގަންނަވާ ކަމެއް ކަމަށެވެ.
The vote on inclusion of R2P in UNGA agenda is highly relevant to Rohingya Muslims as it calls for elimination of genocide 1/2
— Maumoon Abdul Gayoom (@maumoonagayoom) September 16, 2017
..ethnic cleansing, war crimes & crimes against humanity. It is a shame that some of our top officials do not realise this! 2/2
— Maumoon Abdul Gayoom (@maumoonagayoom) September 16, 2017