ސަރުކާރުގެ ނުފޫޒު ގަދަ މިނިސްޓަރެއްގެ ކާރުކޮޅުގައި ބަދު އަޚުލާގީ އަމަލު ހިންގަން ތިބި ބަޔަކު ހައްޔަރުކޮށްފި އެވެ.
މައުލޫމާތު ލިބޭ ގޮތުގައި މިނިސްޓަރުގެ ކާރުކޮޅުގައި ބަދުއަޚުލާގީ އަމަލު ހިންގަން ތިބި ދެ މީހުން ހައްޔަރުކުރީ ހޯމަ ދުވަހުގެ އިރާކޮޅުގެ ވަގުތެއްގަ އެވެ. އެއިރު ކާރު އޮތީ އާސަހަރާ ފުރަގަހުގަ އެވެ.
ފުލުހުންގެ މީޑިއާ އޮފިޝަލަކު ވެސް ވަނީ މިފަދަ މައްސަލައަކާ ގުޅިގެން ބަޔަކު ހައްޔަރުކުރިކަން ކަށަވަރުކޮށްދީފަ އެވެ. ފުލުހުން ބުނީ ބަދުއަޚުލާގީ މައްސަލައަކާ ގުޅިގެން ދެ މީހަކު ހައްޔަރުކޮށްފައިވާ ކަމަށާއި ނަމަވެސް އިތުރު މައުލޫމާތު ހިއްސާކުރެވެން ނެތް ކަމަށެވެ.
މިނިސްޓަރެއްގެ ކާރުކޮޅުގައި ބަދުއަޚުލާގީ އަމަލު ހިންގަން ތިބި ދެ މީހަކު ހައްޔަރުކުރިއިރު، ކާރުކޮޅުގައި މިނިސްޓަރު ނެތް ކަމަށް މައުލޫމާތު ލިބެ އެވެ.
