Advertisement
ކ. މާލެ
|
30 ނޮވެންބަރ 2025 | އާދީއްތަ 12:51
އިމަޖެންސީގައި އައިޖީއެމްއެޗަށް ގެންދިޔަ މީހަކު، މަރުވެފައިވާތީ އެ މައްސަލަ ތަހުގީގުކުރަމުން އަންނަކަމަށް ފުލުހުން ވަނީ ބުނެފަ
އިމަޖެންސީގައި އައިޖީއެމްއެޗަށް ގެންދިޔަ މީހަކު، މަރުވެފައިވާތީ އެ މައްސަލަ ތަހުގީގުކުރަމުން އަންނަކަމަށް ފުލުހުން ވަނީ ބުނެފަ
ރާއްޖެއެމްވީ
އައިޖީއެމްއެޗް
ލޭގެ ޓެސްޓެއް ހެދުމަށް ބޭނުންވާ އާލާތްތައް ނެތުމުން އައިޖީއެމްޗް އިން ޓެސްޓް ނުހެދުނު ކަމަށް ބުނާ މައްސަލަ އެއް މަޖިލީހަށް
އައިޖީއެމްއެޗުން ލިތިއަމް ޓެސްޓް ހެދުމަށް ބޭނުންވާ ރީއޭޖެންޓް ނެތުމުން 18 އަހަރުގެ ނަފްސާނީ ބަލިމީހަކަށް ޓެސްޓް ނުހެދުނު
ލޭ ދިޔާކުރުމަށް ބޭނުންކުރާ މުހިންމު ބޭސްތައް ރާއްޖޭގައި ނެތުމަކީ ގިނަ ރައްޔިތުންނަށް ބޮޑު ދަތިކަމެއް ކަމަށް މެންބަރު ޝާކިރު ފާހަގަކުރެއްވި

ސަރުކާރުގެ މައި ހޮސްޕިޓަލް އައިޖީއެމްއެޗް އިން ލޭގެ ޓެސްޓު ހަދަން ބޭނުންވާ ބައެއް ސާމާނު ނެތިގެން ޓެސްޓެއް ނުހެދުނު ކަމަށް ބުނާ މައްސަލައެއް ރައްޔިތުން ގެ މަޖިލީހުގެ އިޖުތިމާއީ ކޮމިޓީން ބަލައިދިނުމަށް އެދި ހުށަހަޅައިފި އެވެ.

ރައްޔިތުން ގެ މަޖިލީހުގެ މާވަށު ދާއިރާގެ އެމްޑީޕީގެ މެންބަރު އަހްމަދު ޝާކިރު ރައްޔިތުން ގެ މަޖިލީހުގެ ރައީސް އަބްދުއްރަހީމް އަބްދުﷲ އަށް ފޮނުއްވި ސިޓީއެއްގައި ވިދާޅުވީ، އުމުރުން 18 އަހަރުގެ ނަފްސާނީ ބައްޔެއް ތަހައްމަލުކުރަމުންދާ ކުއްޖަކު ކޮންމެހެން ހަދަންޖެހޭ ޓެސްޓުތައް ނުހެދޭނެކަން އައިޖީއެމްއެޗު ގެ ލެބޯޓަރީ އިން އަންގާފައިވާ ކަމަށެވެ.

އެ ސިޓީގައިވާ ގޮތުން 18 އަހަރުގެ ކުއްޖާއަށް ޓެސްޓު ނުހެދޭނެކަން އައިޖީއެމްއެޗު ގެ ލެބޯޓަރީ އިން އެންގީ، އެ ކުއްޖާ އަށް ބޭނުންވާ ފަރުވާއެއް ފެށުމުގެ ކުރިން ހަދަންޖެހޭ ޓެސްޓުތައް ހެދޭތޯ ޔަގީން ކުރުމަށްފަހު، އެ ފަރުވާގެ ޓެސްޓު ހެދުމަށް ނަންބަރު ނަގައި، 200 އަށް ވުރެ ގިނަ މީހުންގެ ކިޔޫއަކަށް ފަހު ލޭ ނަގަން ދިޔަ ވަގުތު ކަމަށެވެ.

އޭގެ އިތުރުން އައިޖީއެމްއެޗް ގެ ލެބޯޓަރީގައި މިވަގުތު ލިތިއަމް ޓެސްޓް ހެދުމަށް ބޭނުންވާ ރީއޭޖެންޓެއް ނެތް ކަމަށާއި ޕެޓްރިޑިޝް އާއި ސްޓްރޯކް ޖެހޭ ބަލި މީހުންގެ ލޭ ދިޔާކުރުމަށް ބޭނުންވާ މުހިންމު ބޭސް ވެސް ރާއްޖޭގައި ނެތް ކަން ވަނީ ފާހަގަ ކޮށްފަ އެވެ. މި ބޭސްތަކަކީ ލޭ ދިޔާކުރުމަށް ބޭނުންކުރާ ބޭސްތައް ބޭނުންކުރާ މީހުންގެ ފަރުވާގައި ކޮންމެހެން ބޭނުންވާ ބޭސްތަކެކެވެ.

މެންބަރު ޝާކިރު ލިޔުއްވާފައިވާ ގޮތުގައި އެ ކަންކަމަކީ މިވަގުތު ގިނަ އަދަދެއްގެ ރައްޔިތުން ތަހައްމަލު ކުރަމުންދާ ޒަރޫރީ ބޭސް ނުލިބުމުގެ ހާލަތަށް އިތުރުވާ ހިތްދަތި ކަމެކެވެ.

ރައްޔިތުން ގެ މަޖިލީހުގެ އިޖްތިމާއި ކޮމެޓީ އަށް ހުށަހަޅާފައިވާ މި މައްސަލަ އާއި ގުޅިގެން ރާއްޖެ އެމްވީ އިން އައިޖީއެމްއެޗް މީޑިއާ އޮފިޝަލަށް ގުޅުމުން ވިދާޅުވީ، ދިމާވެގެން އުޅޭ މައްސަލަ އަކީ އެނގިފައިވާ މައުލޫމާތެއް ނޫން ކަމަށާއި އަދި ލެބޯޓަރީ ގައި ދިމާވާ ކަންކަމަކީ އައިޖީއެމްއެޗް ގެ މީޑިއާ އަށް އެނގޭ ކަންކަމެއް ނޫން ކަމަށެވެ.

އިތުބާރު ހުރި މަސްދަރަކުން ރާއްޖެ އެމްވީ އަށް މައުލޫމާތު ދިންގޮތުގައި ޕެޓްރިޑިޝް އައިޖީއެމްއެޗް ގައި ނެތުމުން އޭޑީކޭ އިން ގެންނަތާ 2 ހަފްތާ ވެއްޖެ އެވެ. ޕެޓްރިޑިޝް އަކީ މައިކްރޯ ބަޔޮލޮޖީ ގައި ބެކްޓީރިއާ އަދި ފަންގަސް ފަދަ ކުދި ދިރުންތައް ކަލްޗަރ ކުރުމަށް ބޭނުންކުރާ އެއްޗެކެވެ.

ސަރުކާރު ގެ މައި ހޮސްޕިޓަލު ގައި ބޭނުންވާ ބޭސް އާއި ސާމާނު ނެތުމުގެ ޝަކުވާ ދޭތެރެ ދޭތެރެއިން އާމުން ކުރެ އެވެ. މި މައްސަލައާ ގުޅިގެން އައިޖީއެމްއެޗުން އަދި ރަސްމީ ބަހެއް ބުނެފައެއް ނުވެ އެވެ.

- ކޮމެންޓް