މެންޗެސްޓާ ސިޓީގެ ޒުވާން ފޯވާޑް އާލިން ހާލަންޑަށް ދެން އެނބުރި ކުޅުކުގެ ތެރެއަށް އާދެވޭނީ ހަތް ހަފުތާ ފަހުން ކަމަށް މެންޗެސްޓަރ ސިތީގެ ކޯޗު ޕެޕް ގާޑިއޯލާ ބުނެފި އެވެ.
އިނގިރޭސި ޕްރިމިއަރ ލީގުގެ ރެލިގޭޝަނުން އަރައިގަތުމަށް މަސައްކަތްކުރާ ލެސްޓާ ސިޓީއާ ދެކޮޅަށް ކުޅެން ތައްޔާރުވާ މެޗުގެ ކުރިން ވާހަކަ ދައްކަމުން ގާޑިއޯލާ ބުނީ 24 އަހަރުގެ ފޯވާޑް ހާލަންޑްގެ ފައިގެ ކުޑަހުޅަށް ލިބިފައިވާ އަނިޔާ ސީރިއަސް ކަމަށެވެ.
ގާޑިއޯލާ ބުނީ ކުޅުންތެރިންނަށް އަނިޔާވަނީ ގާތްގާތުގައި އަރާމެއްނެތި މެޗުތަކެއް ކުޅެންޖެހޭތީ ކަމަށާއި ބާރުބޮޑުވެފައިވާ ފުޓްބޯޅަ ޝެޑިއުލާމެދު ސީރިއަސްކޮށް ވިސްނަންޖެހޭ ކަމަށެވެ. އަދި މި ސީޒަން ކުޅެން ޖެހިފައިމިވަނީ މިފަދަ އެތައް އަނިޔާތަކަކާއެކުގައި ކަމަށާއި ހާލަންޑާ މެދު ހަމްދަރުދީވާކަމަށް ވެސް ގާޑިއޯ ލާ ބުންޏެވެ.
އަދި އެދެނީ ހާލަންޑަށް އަވަސް ޝިފާއަކަށް ކަމަށާއި ވީ އެންމެ އަވަހަކަށް އޭނާ ރަނގަޅުވެގެން އެނބުރި އައުމަށް އެދޭ ކަމަށް ވެސް ގާޑިއޯލާ ބުންޏެވެ.
ގަޑިއޯލާ ބުނީ ހާލަންޑު އަނިޔާއިން ރަނގަޅުވެ، އަލުން ކުޅުކުގެ ތެރެއަށް އަންނަން ހަތް ހަފްތާ ނަގާނެ ކަމުގައި ބުނެފައިވަނީ ޑޮކްޓަރު ކަމަށާއި އެއީ އޭނާ އަމިއްލައަށް ނިންމި އެއްޗެއް ނޫން ކަމަށެވެ. އަދި އުންމީދު ކުރަނީ ކުލަބު ވޯލްޑްކަޕުގައި ހާލްނަޑަށް ކުޅެވިދާނެ ކަމަށް ކަމަށް ވެސް ގާޑިއޯލާ ބުންޏެވެ.
ހާލަންޑް ވަނީ މި ސީޒަނުގައި މިހާތަނަށް ސިޓީ 40 މެޗުން 30 ގޯލު ޖަހައދީފަ އެވެ. ހާލަންޑަށް އަނިޔާވީ އެފްއޭކަޕް ކުއާޓާ ފައިނަލުގައި އާދިއްތަ ދުވަހު ބޯނެމައުތު އަތުން މޮޅުވި މެޗުގަ އެވެ. އެއަށްފަހު ހާލަންޑް ޕްރޮޓެކްޓިވް ބޫޓެއްގައި ހޮސްޕިޓަލުން ނުކުންނަން މަންޒަރު ވަނީ ފެނިފަ އެވެ. މިއާއެކު އޭނާ އަށް އެނބުރި ދަނޑަށް އާދެވޭނެ މުއްދަތާމެދު މީޑިއާތަކުން ވެސް ދިޔައީ ތަފާތު ގޮތްގޮތަށް ވާހަކަ ދައްކަމުންނެވެ.