ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ފަރާތުން އިސްނަގައިގެން ބާއްވާ ޚާއްސަ ބޮނޑިބަތް ކެއުމެއް ހޮނިހިރު ދުވަހުގެރޭ ލަންކާގައި ބޭއްވުމަށް ހަމަޖެހިއްޖެއެވެ.
މިހަރަކާތް ހިންގުމުގައި އެންމެ އިސްކޮށް ހުރި އާދަމް ސަލީމް ރާއްޖެއެމްވީއަށް މައުލޫމާތުދެމުން ބުނީ މިހަރަކާތުގައި ސްރީލަންކާގައި ދިރިއުޅޭ އެމްޑީޕީއަށް ސަޕޯޓްކުރާ އެންމެހާ ފަރާތްތަކަށް ދައުވަތު އަރުވާ ކަމަށެވެ.
ސަލީމް ބުނީ ހޮނިހިރުދުވަހުގެ އިރުއޮއްސި 6 އިން ރޭގަނޑު 11 ޖެހުމާހަމައަށް ލަންކާގެ "ޓެންޓެން" ކެފޭގައި އޮންނަ މިހަރަކާތުގައި އެމްޑީޕީއަށް ސަޕޯޓްކުރާ ވީހާ ވެސް ގިނަ މީހުން ބައިވެރިވުމަށް އެދޭ ކަމަށެވެ.