ފީފާ ރޭންކިންގައި ރާއްޖެ ތިން ދަރަޖަ ފަހަތަށް ވެއްޓިއްޖެ އެވެ.
ގައުމީ ޓީމު މެޗެއް ނުކުޅެ އަދި ލީގު ވެސް ހުއްޓުމަކަށް އައިސްފައި ވާއިރު ރާއްޖެ ލައްވާލީ ރޭންކިންގެ 163 ވަނާގަ އެވެ. މިއީ ސާފް ޗެމްޕިއަންޝިޕުގައި ވާދަކޮށްފައިވާ ގައުމުތަކުގެ ތެރެއިން ތިން ވަނަ އެވެ.
ސާކް ސަރަހައްދުން ރޭންކިންފެ އެއްވަނައި ގައިވަނީ އިންޑިޔާ އެވެ. އެ ގައުމު އޮތީ ދުނިޔޭގެ 124 ވަނައިގަ އެވެ. ކުރިއެރުމެއް އަދި އެއްވެސް ދަރަޖައެއް ފަހަތަށް ނުދެ އެވެ. އަފްގާނިސްތާން އޮތީ ދެ ވަނައިގަ އެވެ. އެއީ 151 ވަނަ އެވެ.
ރާއްޖޭގެ ފަހަތުން ހަތަރު ވަނައިގައިވަނީ ނޭޕާލެވެ. އެ ގައުމަށް 175 ވަނަ ލިބުނުއިރު އެއް ދަރަޖައިގެ ކުރިއެރުމަކާއެކު ފަސް ވަނައިގައިވަނީ ބޫޓާނެވެ. އެއީ ދުނިޔޭގެ 182 ވަނަ ގައުމުގެ ގޮތުގަ އެވެ. ބަންގްލަދޭޝް ހަ ވަނައިގައިވަނީ އެއް ދަރަޖަ ކުރިއަށް ޖެހި ދުނިޔޭގެ 184 ވަނަ ގައުމުގެ ގޮތުގަ އެވެ. ޕާކިސްތާނަށް ލިބުނީ 197 ވަނަ އެވެ. ސްރީލަންކާ އަސް 205 ވަނަ އެވެ.
ފީފާ ރޭންކިންގައި މި ފަހަރު ދުނިޔޭގެ އެއްވަނައިގައި ވަނީ ކޮޕާ އެމެރިކާގެ ޗެމްޕިއަން އާޖެންޓީނާ އެވެ. ދެ ވަނަ ފްރާންސަށް ލިބުނުއިރު ތިން ވަނައިގައި ވަނީ ޔޫރަޕުގެ ޗެމްޕިއަން ސްޕޭނެވެ.
