ފުލުހުން ބަލަމުންދާ މައްސަލައަކާއި ގުޅިގެން ދެ މީހަކު ހޯދުމަށް އިއުލާނުކޮށްފި އެވެެ.
ފުލުހުން ވަނީ މިދެ މީހުންގެފޮޓޯ ވެސް އާންމުކޮށްފަ އެވެ. މި ދެ މީހުންނަކީ ފުލުހުންގެ ސީރިއަސް އެންޑް އޮގްނައިޒް ކްރައިމް ޑިޕާޓްމަންޓުން ތަޙްޤީޤު ކުރަމުންދާ މައްސަލައަކާ ގުޅިގެން ހޯދަމުންދާ ދެ މީހުން ކަމަށް ފުލުހުން ބުނެ އެވެ.
މި މީހުންނާއި ގުޅޭ އެއްވެސް މަޢުލޫމާތެއް އެނގޭނަމަ ސީރިއަސް އެންޑް އޮގަނައިޒް ޑިޕާޓްމަންޓްގެ ޑިއުޓީ ނަމްބަރު 9911099 އަށް ގުޅުއްވައި ހިއްސާ ކުރުމަށް ފުލުހުންވަނީ އެދިފަ އެވެ.
ފުލުުހުން ދެމީހަކުގެ ފޮޓޯ އާންމުކޮށް، ހޯދުމަށް އިއުލާނުކޮށްފައިވާ އިރު، މިދުވަސްވަރަކީ ވައްކަމާއި ފޭރުމުގެ މައްސަލަތަކުގެ އިތުރަށް މާރާމާރީ ހިންގަމުންދާ ދުވަސްވަރެކެވެ.
އެގޮތުން އާދިއްތަ ދުވަހުވެސް ފުލުހުން ވަނީ ފޭރުމުގެ މައްސަލައަކާއި ގުޅިގެން ހޯދަމުންދާ މީހެއްގެ ވީޑިޔޯއެއް އާންމުކޮށްފަ އެވެ.
އެމީހާ ހޯދަމުންދަނީ ޖޫން 22 ވަނަ ދުވަހުގެ ވަގުތެއްގައި ދޮން އަނދަރާދު ހިނގުމާއި މިރިހިމަގު ގުޅުނު ކަންމަތިން ފޯނެއް ފޭރިގެންފައިވާ މައްސަލައަކާ ގުޅިގެންނެވެ.
