ބ. އޭދަފުށިން ކަރަންޓް ކަނޑާލައިފި އެވެ.
"ރާއްޖެއެމްވީ"އަށް މައުލޫމާތުދިން ފަރާތުން ބުނީ އޭދަފުށިން ކަރަންޓް ކަނޑާލާފައިވަނީ ބުރާސްފަތި ދުވަހުގެ ހެނދުނު 10:00 އެހާކަންހާއިރު އެވެ.
އޭދަފުށި ކަރަންޓް މައްސަލައާއި ގުޅިގެން އޭދަފުށި ކައުންސިލް ބެމްބަރަކު ވިދާޅުވީ ކަރަންޓް ކަނޑާލާފައިވަނީ އެރަށަށް އަލަށް ގެނައި ޖަނަރޭޓަރު އިންސްޓޯލް ކުރުމަށް ކަމަށެވެ. އަދި ވަރަށް އަވަހަށް ކަރަންޓްގެ ހިދްމަތް ލިބޭނެ ކަމަށް އޭނާ ވިދާޅުވި އެވެ.
ރައީސް އަބްދުﷲ ޔާމީން އަބްދުލްގައްޔޫމްގެ ސަރުކާރުން 24 ގަޑިއިރު ކަރަންޓް ޔަގީންވާނެ ކަމަށް ބުނެފައިވީނަމަވެސް، ރާއްޖޭގެ އެކިއެކި ރަށްރަށަށް ވަނީ ކަރަންޓްގެ މައްސަލަތައް ކުރިމަތިވެފަ އެވެ.
ރާއްޖޭގެ އެންމެ ގިނަ މީހުން ދިރިއުޅޭ މާލެ ސިޓީން ވެސް ދޭތެރެ ދޭތެރެއިން ކަރަންޓް ކެނޑޭ މައްސަލައަކީ ބޮޑު މައްސަލައަކަށް ވަނީ ވެފަ އެވެ.
