މަޖިލީހުގެ އިދާރާއިން ނެރުނު ބަޔާނަކީ އޭނާއަށް އެނގިވަޑައިގެން ނެރުނު ބަޔާނެއް ނޫން ކަަމަށް މަޖިލީހުގެ އަމީންއާންމު އަހްމަދު މުހައްމަދު ވިދާޅުވެއްޖެ އެވެ.

އަމީންއާންމް ރާއްޖެއެމްވީއަށް ވިދާޅުވީ " މަޖިލީހުން ނެރޭ ބަޔާންތަކަކީ ކޮންމެހެން އަޅުގަނޑަށް އެނގިގެން ނެރެންޖެހޭ ބަޔާންތަކެއް ނޫން" ކަމަށް ވިދާޅުވެފަ އެވެ.

" އަޅުގަނޑުދެކޭގޮތުގައި މަޖިލީހުގެ އިދާރާއިން އަޅުގަނޑަށް ނޭންގި މަޖިލީހުގެ ބަޔާނެއް ނެރުމަކީ މައްސަލައެއް ނޫން." އަމީންއާންމު ވިދާޅުވި އެވެ.

 މަޖިލީހުގެ އަމީންއާންމު މިހެން ވިދާޅުވެފައިވާ އިރު މަޖިލީހުގެ އަމީންއާންމަށް ނޭން މިފަދަ ބަޔާންތައް ނެރުމަކީ ކަންބޮޑުވާ މައްސަލައެއް  ކަަމަށް މަޖިލީހުގެ މެންބަރުން ވަނީ ވިދާޅުވެފަ އެވެ.

ގާނޫނު އަސާސީގެ 104 ވަނަ މާއްދާގައި ބަޔާންކޮށްފައިވަނީ އަމީންއާންމުގެ މަސްއޫލިއްޔަތު ބަޔާންކޮށްފަ އެވެ. އެގޮތުން ރައްޔިތުންގެ މަޖިލީހުގެ ޖަލްސާތަކާބެހޭ ކަންތައްތައް ހަމަޖައްސައި ލިޔެކިޔުންތައް ބަލަހައްޓައި، އިދާރީ މަސައްކަތްތައް ރާވައި ހިންގުމަށާއި މަޖިލީހުގެ ރައީސަށާއި މެންބަރުންނަށް އެ މީހުންގެ މަސައްކަތުގައި  އަމީންއާންމަކީ އެހީތެރިވާން ޖެހޭ މީހެއްގެ ގޮތުގައި ވަނީ ބަޔާންކޮށްފަ އެވެ.

މަޖިލީހުގެ އިދާރާއިން ނެރުނު ބަޔާނުގައި  މަޖިލީހުގެ ޕްރޮގްރާމުތަކާއި ސެކިއުރިޓީ ކަންކަމުގެ މައްޗަށް ރިޔާއަތްކޮށް ދެން މަޖިލީހުގެ ޖަލްސާއެއް ބާއްވާނީ 31 ޖުލައިގައިކަން މަޖިލީހުގެ މެންބަރުންނަށް އަންގާފައިވާ ކަމަށް ބުނެފައިވެ އެވެ.