ރައީސް އަބްދުﷲ ޔާމީންގެ އަޅަކަށްވެގެން، ޤާނޫނު އަސާސީއާއި ޤާނޫނުތަކާއި ހިލާފަށް ހިންގާ ކަންކަމުގެ ޒިންމާ ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބް ނަންގަވަންޖެހޭނެކަމަށް ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފު ވިދާޅުވެއްޖެ އެވެ.
ބްރޯޑްކާސްޓިން ކޮމިޝަނަށްގެ ރައީސް މުހައްމަދު ޝަހީބަށް، ފޮނުއްވި މެސެޖެއްގައި މަހުލޫފް ވިދާޅުވީ ޝަހީބް ކޮމިޝަންގެ ރައީސަކަށް ހުންނަވައިގެން ހިންގަވަާ ހުރިހާ ޖަރީމާއެއް އަދި ދޭ އިންޒާރާއި ކުރާ އަނިޔާގެ ފުރިހަމަ ޒިންމާ އުފުއްލަވަންޖެހޭނެކަން ހަނދާންކޮށްދޭކަމަށެވެ. އަދި ޤާނޫނު އަސާސީއައި ޤާނޫނުތަކާއި ޚިލާފަށް، ރައީސް ޔާމީންގެ އަޅެއްގެ ގޮތުގައި ހުންނަވައިގެން ކުރާ ހުރިހާ ކަމެއްގެ ސަބަބުން ގެއްލިގެންދާ ރައްޔިތުންގެ ހައްޤުތަކަށް އިންސާފު ހޯދުމަށް އެންމެ ކުރީގައި އޭނާ ހުންނަވާނެކަމަށް މަހުލޫފު ފޮނުވި މެސެޖުގައި ވިދާޅުވި އެވެ.
އޭގެއިތުރުން ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބަށް މަހުލޫފު ފޮނުވި މެސެޖުގައި ވިދާޅުވެފައި އެންމެ ގިނަވެގެންވެސް ދެން އޮތީ އެއް އަހަރު ކަމަށެވެ.
ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބަށް މަހުލޫފް މެސެޖެއް ފޮނުވިއިރު، ސުލްހަވެރިކަމާއެކު އެއްވެ އުޅުމުގެ ގާނޫނާ ހިލާފަށް ބާއްވާ މުޒާހަރާތައް ލައިވްކުރާ ފަރާތްތަކާ މެދު ފިޔަވަޅު އަޅަން ބްރޮޑްކާސްޓިން ކޮމިޝަނުން ވަނީ ނިންމާފަ އެވެ.
