އިންތިޚާބީ ރައީސުލްޖުމްހޫރިއްޔާއާއި އެމަނިކުފާނުގެ ނައިބު ހުވާކުރެއްވުމުގެ ޖަލްސާގެ އިންތިޒާމުތަކާ ގުޅޭގޮތުން އެމްއެންޑީއެފްގެ ބޭފުޅުންނާއެކު މަޝްވަރާކުރައްވައިފިއެވެ.
އެ ބައްދަލުކުރެއްވުމުގައި މަޖިލީހުގެ އިދާރާގެ އިސް ބޭފުޅުންނާއި އެމްއެންޑީއެފްގެ ކަމާ ގުޅުންހުރި ބޭބޭފުޅުން ވަނީ ބައިވެރިވެވަޑައިގެންފައެވެ. މިއީ މަޖިލީހާއި އެމްއެންޑީއެފުގެ ބޭފުޅުންނާއެކު މަޝްވަރާކުރެއްވި ދެވަނަ ފަހަރެވެ.
އިންތިޚާބީ ރައީސުލްޖުމްހޫރިއްޔާއާއި އެމަނިކުފާނުގެ ނައިބު ހުވާކުރެއްވުމުގެ ޖަލްސާގެ ތަައްޔާރީތަކާމެދު، އިންތިޚާބީ ރައީސުލްޖުމްހޫރިއްޔާގެ އޮފީހާއި ރައްޔިތުންގެ މަޖިލީހުގެ ކަމާ ގުޅުންހުރި ފަރާތްތަކާއެކު އެކި ފަހަރުމަތިން ވަނީ މަޝްވަރާތައް ބާއްވަވާފައެވެ.
އިންތިޚާބީ ރައީސުލްޖުމްހޫރިއްޔާއާއި ނައިބު ރައީސް ހުވާކުރެއްވުން އޮންނާނީ ނޮވެމްބަރު 17 ވަނަ ދުވަހު، ޖުމްހޫރީ މައިދާނުގައެވެ. އެރަސްމިއްޔާތު ކަވަރުކުރަން ބޭނުންވާ ބޭރުގެ މީޑިޔާތަކަށް ރައްޔިތުންގެ މަޖިލީހުގެ އިދާރާއިން ވަނީ އެފުރުސަތު ހުޅުވާލާފައެވެ.
