ޕީޕީއެމްގެ ބައެއް މެންބަރުން އެޕާޓީގައި ނެތްކަމަށް، ނުވަތަ ވަކިވެފައިވާކަމަށް ބަންޑާރަ ނައިބު މުޙައްމަދު އަނިލް ކުރިން ވިދާޅުވިކަމަށް އިނގިރޭސި ވިލާތުން ސްރީލަންކާއަށާއި ރާއްޖެއަށް ކަނޑައަޅުއްވާއި ހުންނަވާ ސަފީރު ޖޭމްސް ޑޯރިސް ވިދާޅުވެއްޖެއެވެ.
ޕީޕީއެމްގެ ހަތަރު މެންބަރެއްގެ ގޮނޑި ގެއްލިއްޖެކަމަށް ކަނޑައަޅައި އެ ދާއިރާތަކުގެ ބައި އިލެކްޝަން ބޭއްވުމަށް ނިންމާފައިވާކަން އިލެކްޝަން ކޮމިޝަނުން އިއުލާންކޮށްފައިވަނިކޮށް ބުދަ ދުވަހު ޑޮރިސް ކުރެއްވި ޓްވީޓެއްގައި ވިދާޅުވީ، މިދިޔަ މޭމަހުގެ 23 ވަނަ ދުވަހު ސަރުކާރުން އީޔޫގެ ވަފުދާއި އެކު ބޭއްވުނު މަޝްވަރާތަކުގައި ޕީޕީއެމްގެ ބައެއް މެންބަރުން އެޕޓީން ވަކިވެފައިވާކަމަށް ބަންޑާރަ ނައިބު އަނިލް ވިދާޅުވި ކަމަށެވެ.
At EU/#Maldives policy dialogue on 23 May Attorney General insisted that MPs were no longer members of the PPM. https://t.co/UFZtSiahVs
— James Dauris (@JamesDauris) July 19, 2017
މަޖިލިސް ރައީސް މަސީހުގެ އިިތުބާރު ނެތްކަމުގެ މައްސަލައަށް ތާއީދުކޮށް ސޮއިކުރި ޕީޕީއެމްގެ 11 މެންބަރުންގެ ތެރެއިން އެއް މެންބަރެއް ފިޔަވާ އެހެން ހުރިހާ މެންބަރުން ވަނީ އަމިއްލައަށް އެދިވަޑައިގެން ޕިޕީއެމުން ވަކިވެވަޑައިގެންފައެވެ. އެހެންނަމަވެސް އޭގެ ކުރިން، ސަރުކާރުގެ ބައެއް ސިޔާސަތު ތަކާއިމެދު ހިތްހަމަ ޖެހިވަޑައިނުގެން ސަރުކާރުން ހުށައެޅި ބައެއް ބިލުތަކަށް ވިޕްލައިނާއި ޚިލާފަށް ވޯޓުދީގެން އެމެންބަރުންނާއި މެދު ސުލޫކީ ކޮމިޓީން ފިޔަވަޅު އަޅައި އެ ބޭފުޅުން ވަނީ ޕާޓީން ވަކިކޮށްފައެވެ.
ޑޯރިސް މިހެން ވިދާޅުވެފައިވާއިރު، އިލެކްޝަންސް ކޮމިޝަނުން މިއަދު ވަނީ، ހަތަރު މެންބަރެއްގެ ގޮނޑި ގެއްލިފައިވާކަމަށް ނިންމައި އެ ދާއިރާތަކުގެ ބައި އިލެކްޝަން ބާއްވަން ނިންމާފައިވާކަން އިއުލާން ކޮށްފައެވެ.
