ޖަރުމަން ވިލާތުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު އިދިކޮޅު އެންމެ ބޮޑު ސިޔީސީ ޕާޓީ އެމްޑީޕީއާ ބައްދަލުކޮށްފިއެވެ.
ޖަރުމަން ސަފީރު، ޔޯން ރޯޑަރ އެމްޑީޕީގެ އޮފިޝަލުންނާ ބައްދަލުކޮށްފައިވަނީ ހޯމަ ދުވަހު މެންދުރު އެ ޕާޓީގެ އޮފީހުގައެވެ. މި ބައްދަލުވުމުގައި އެމްޑީޕީގެ ސެކެއްޓްރީ ޖެނެރަލް އަނަސް އަބްދުލް ސައްތާރާއި، ރައީސް ނަޝީދުގެ ގަނޫނީ ވަކީލް ހިސާން ހުސެއިންގެ އިތުރުން އެމްޑީޕީގެ ފޮރިން ރިލޭޝަން ކޮމެޓީގެ މުގައްރަރު އަދި ރައްޔިތުންގެ މަޖިލީހުގެ ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ވެސް ވަނީ ބައިވެރިވަޑައިގެންފައެވެ.
މި ބައްދަލުވުމުގައި ރާއްޖޭގެ ސިޔާސީ މަޝްރަހާ ގުޅޭގޮތުން ވަނީ މަޝްވަރާކޮށްފައެވެ.
